Popular Bible Verses from Matiu 28

Share

Oo ki naa­ tama katoo i naa­ kuana katoo no mee laatou mo disaipol aaku. Ku­ paptaisi­ ina­ roo laatou i­ te inoa o­ te Tamana, te Tama, ma te Aitu Tapu. Anaa ku­ hakailoa­ ina laatou ki hakarono­ hua i naa­ mee katoo aaku ni­ hua­ atu ki koutou. Anau raa­ ka­ noho­ roo ma koutou i naa­ vaa katoo loo nani i­ te hakaoti naa­ mee katoo.”

Ku­ hanake­ roo Jisas i­ laatou no hua­ ake, “Taku Tamana i­ te vaelani ku­ oti te kamai naa­ haiao katoo i­ te vaelani ma i­ aruna te kerekere.

Te ensol hua­ ake ki naa­ haahine, “Teeai ki mattaku, anau e­ iloa poro kourua e­ heaki i Jisas, koai ni­ rikitia ki­ te koros ka­ mate. Aia e­ teeai i kinei; aia ku­ oti te hakamahike­ ria muri pai aia ni­ hua. Oomai no mmata i­ te kuana aana ni­ moe­ ai.

Jisas hua­ ake ki­ laaua, “Teeai ki mattaku. Oo no hua­ ake ki naa­ kave aaku ki oo ki Galili. Laatou raa­ ka­ kkite i­ te­ nau i­ kinaa.”

Naa­ pris hamaatua ni­ kkutu ma naa­ hamaatua naa­ Jiu ki mannatu heaa laatou kii­ mee. Ku­ kavake­ roo te koina mani hamataku ki naa­ soldia ka­ hua­ ake ki­ laatou, “Koutou raa­ ka­ hua poro naa­ disaipol aana ni­ oomai i­ te poo no huu­ roo te huaitino aana i­ tevaa koutou e­ mmoe. Kime naa­ hua nei e­ ttae ki­ te Hamaatua Rom, maatou raa­ ka­ hua­ ake poro koutou e­ hua hamaauri, anaa koutou raa­ ka­ tee­ hai mee ki mannatu tammaki­ ai.” Naa­ soldia ku­ too naa­ mani ku­ tautari­ roo heaa naa­ hamaatua ni­ hua­ ake­ ai. Anaa te­ lono i naa­ hua nei ni­ hano areha i­ loto naa­ Jiu loo nani i­ te laa nei.