Popular Bible Verses from Matiu 24

Share

Naa­ tiputipu hakarria raa­ ka­ hamataku no haia­ roo te manava­ laoi naa­ tama laa­ ki­ teeai. Koia koai i­ laatou e­ tauhi te­ lootu no tae ki­ te hakaoti raa­ ka­ hhao.

Anaa te Rono Taurekareka te Mataapaa te­ Tama Hamataku raa­ ka­ huatia ki naa­ kuana katoo i­ te kerekere nei ki rrono naa­ tama katoo, ki­ oti­ naa te­ hakaoti naa­ mee katoo raa­ ka­ au.

Koutou raa­ ka­ rrono i naa­ naehe naa­ haeo, koia koutou teeai ki mattaku. Naa­ mee peenei raa­ ka­ hhae, koia te hakaoti naa­ mee katoo koi taakoto ki au.

Naa­ henua raa­ ka­ huhu ma naraa henua, naa­ mataapaa raa­ ka­ pakihi ka­ huhu ma naraa mataapaa. Raa­ kaa­ mee te hikkai ma te mahuke i naa­ kuana katoo. Naa­ mee katoo nei e­ mee pai ko te isu­ mua te tinae i tevaa te tamarikiriki hoou kuu­ mee ki heke.

Te­ vaelani ma te kerekere raa­ ka­ oti, koia naa­ hua aaku e­ tee­ nani te oti.

Purima tama raa­ ka­ ooatu no hua­ kairrehi poroo, ‘Anau ko te Mesaea!’ ka­ kailehi­ ina purima naa­ tama.

“I­ te­ vaa­ naa laatou raa­ ka­ tauhia koutou ka­ kavatu te taenaha ma te isu ki­ koutou, ku­ taaia­ roo koutou ka­ mmate. Naa­ tama naa­ henua katoo raa­ ka­ haekotia koutou e­ mee i­ koutou e­ tautari i­ te­ nau. Purima tama raa­ ka­ tiake te­ lootu no mee hakarria ka­ haekotia naraa tama. Anaa purima naa­ profet kairrehi raa­ ka­ hhae no kairehi­ ina purima naa­ tama.

Ku­ hua­ ake­ roo Jisas, “Mmata hakaraaoi, raa­ ka­ au he tama no kailehi­ ina koutou.

Koutou hoki ki aarere, i­ te Tama­ te­ Tama raa­ ka­ au i tevaa koutou e­ tee­ illoa­ ai.

“Mmata hakaraaoi koutou, koutou e­ teeai ki­ illoa i­ te laa te­ Ariki Hamataku autou raa­ ka­ au­ ai.

“Tee­ hai tama e­ iloa i­ te laa ma te vaa te Tama te­ Tama raa­ ka­ au, naa­ ensol hoki i­ te vaelani e­ tee­ illoa, te Tama te­ Tama Hamataku e­ tee­ iloa, koia tino Tamana hokoia e­ iloa.

E­ mee naa­ Mesaea kairrehi ma naa­ profet kairrehi raa­ ka­ hhae­ atu no mee naa­ mirakol ki kailehi­ ina­ ai naa­ tama, naa­ tama hoki koai te­ Tama Hamataku ni­ hakailona, kime laatou e­ nani.

Te au o­ te Tama­ te­ Tama raa­ ka­ taakoto pai heaa nii­ mee i tevaa Noah. I­ loto naa­ laa­ naa i­ tevaa te­ tai hikiai­ ai ki rohia naa­ henua, naa­ tama ni­ hekau ka­ kkai ka­ inu, naa­ taanata ma naa­ haahine ku­ avvana loo nani­ roo ki­ te­ vaa Noah ku­ hano no uru ki­ loto te vaka hamataku; koia laatou hikiai ki illoa heaa raa­ kaa­ mee i­ laatou loo nani­ roo ki­ te vaa te­ tai ni­ rrohi ka­ au no taahia laatou. Mee raa­ ka­ taakoto peenaa i tevaa te Tama­ te­ Tama e­ au­ ai.