Popular Bible Verses from 'O Roma 9

Share

So ma Jo'oungu ma Dutu wairiki 'o nyawa ge'ena moteke ko 'o nyawawa manga mau bolo manga manarama, ma 'ena moteke 'awi singina ma 'ofi.

Sababu ma Jo'oungu ma Dutu wongose 'o Musaka, <<Ngoi 'asa takisimara'ai 'o nyawa gee tomau takisimara'ai, de ngoi 'asa takisibosono 'o nyawa gee tomau takisibosono.>>

Duga 'Esa moi! Ngini ma ka 'o nyawa. De ngini koya'akunuwa niomoroini nioributu ma Jo'oungu ma Dutuka! 'Isoka 'o boso tonaka gee 'o tonaka 'ita-tagakaka yadi-diaiku 'ena koidadiwa 'isano yodi-diaika, << 'Ido'oa so noidiai kone'ena?>>

So nako ma Jo'oungu ma Dutu womau wakidora moikani, ge'ena dua wadiai koge'ena. De nako ma Jo'oungu ma Dutu wakidiai moikani manga singina 'i'opini, ge'ena dua wadiai koge'enali.

Gee 'o boso tonaka yodi-diai go'ona ya'aturu 'o tonaka ge'ena yadiai moteke to 'ona manga mau. 'O tonaka ya'eseno, 'idadi yadiai ma boso tonaka 'o 'iniki modidioka; ngai moi 'itero-tero de moioli gee koiterowa rekeni.