Popular Bible Verses from 'O Lukas 12

Share

Sababu ge'ena ngini mita salingou niomajaga-jaga, sababu ngoi 'o Nyawa ma Ngowaka dua toboali ngini konianakowa ma 'orasi.>>

Ma ngini salingou niomariwo la ma Jo'oungu ma Dutu wopareta 'ania 'ahu ma sigoronaka, la 'iregu-regu mita 'asa ma Jo'oungu ma Dutu winikula.>>

Ge'enaka de 'o nyawa yoodumika ge'enaka dau gee 'o Yesus wongose, <<Nimasidi-diai de niomanako-nako, 'uwa sigado niodopokana 'o harataa. Sababu 'o nyawa ma 'ahu koge'enanowa duga ngaro 'o harataa kaipoludeu ma.>>

Sababu kiaka naga 'ania harataa, 'ania singina mita ge'enaka!>>

Nago'ona nginioka ne'ena yodo-dodato so manga 'umuru 'iganapu ngaro ka ma eta ma?

Ge'enaka de 'o Yesus wongose 'awi do-domoteika, <<Ma sababu ge'enau so ngoi tongose, < 'Uwa niododato ma ngale 'ania 'ahu, ge'ena la 'okia dua nia'odomo de niapake.>

Nia utu nia saekoka ma 'iodumu wadoimokau, sababu ge'ena 'uwa nimodongo, ngini 'ifoloi niobaraguna de 'o gatuaka.>>

<<Ngini gee koniokudaiokawa, 'uwa nimodongo! Sababu ma Jo'oungu ma Dutu woduaka winikula 'o co-catu 'awi paretano.

Nialega 'o wogono! 'Ena koimadutudukuwa, koimadugutukuwa, de mita ma rawongo koi'iwa. Ma ma Jo'oungu ma Dutu wasowohi! Ngini 'ifoloi niobaraguna de 'o sagala namoro so nginiosi 'ifoloi ma Jo'oungu ma Dutu winipaliara!

So 'uwa niododato de 'uwa nia singina 'iruahe, ma ngale dua 'okia nia'odomo de nia'okere.

'O 'ubutu 'o godoaka 'i'oo ne'ena ma wange de ma bibinoka yatuuku yabootokau, ma ma Jo'oungu ma Dutu wadiai koge'ena ma sure. De nginioli! Ma ngini koniongakuwa rekeni!

'Okia naga gee 'itamu-tamunuku 'asa kaikokisupuoka, de 'iodumu gee 'isigi-gi'iunino 'asa 'o nyawa kayanakoka.