Popular Bible Verses from 'O Lukas 11

Share

Ngaro niotingkai, ma kanianako niokula yaowa-owa nia ngowaika. De dua nia Deali daku 'o sorogaaka, 'unasi 'ifoloi 'asa wokula 'o Ngomasa 'Itebi-tebini gee 'o nyawa yomaga'asoko 'unaka!>>

So tinisidemo nginika: Nimalahidoa ma ngale nimaga'asoko ma Jo'oungu ma Dutuka la 'una 'asa winikula; nimadononu la 'asa nimadamake; de nimasi'ilingi la 'o ngorana 'asa winidebelenga.

Sababu nago'ona yomaga'asoko 'asa wakikula, de nago'ona yomadononu 'asa yomadamake, de nago'ona yomasi'ilingi, 'asa 'o ngorana wakidebelenga.

So 'o Yesus kawongosekau 'onaka, <<Nako ngini niolahidoa ge'ena konee: <Mia 'Aba 'o sorogaaka! Tanu ngomi 'o nyawa mioodumu 'ani ronga miositedene. Tanu ngona noparetau 'o duniaka, de tanu 'ani mau miamoteke ne'enaka 'isoka 'o sorogaaka.

'Uwa nosi-singina mia sowono, sababu ngomi mita komiosi-singinawau 'o nyawa manga sowono ngomino. De 'uwa minisimadaka mitaili.> >>

Tanu nokula mia 'inomo gee 'o wange 'isinoimi ngomi mioparaluu.

Nanga ako ge'ena kaimatero de nanga roese ma silo. Nako nia ako 'idoto ge'ena dua nimasimake 'itiai 'okia sonaa niodi-diaioka. Ma nako nia ako koidodonuwa ge'ena ngini dua 'isoka 'o darusoka. So nako nia silo koiletonguwa, ge'ena dua posironga 'itarusoka.

<<Komoiwa 'o silo yatuuika de yabataeka bolo 'o pa'udi yositamunuku. Ma 'ena ma raiokau yositodenguku to 'ena ma ngiioka, la 'o nyawa gee yowosama ma woa ma dodaka ge'ena, 'idadi yamake ma siwara.