Popular Bible Verses from 'O Yohanes 5

Share

Ma gou-goungu 'itiai 'ai demo-demo ne'ena: Nago'ona yosigisene 'ai demo-demo, de wingaku 'unaka gee woisulo-suloko, 'ona yamake 'o 'ahu 'ika-kakali. 'Ona 'asa koyakihukumuwa, de yakisimadakau 'o songenoka ma ngale koyomakati-tingakuawau de ma Jo'oungu ma Dutu, de yamakekau 'o 'ahu 'ika-kakali.

'O Yesus wimake 'una woma'iduoka ge'enaka dau, de wanako 'ato 'una ge'ena ma do'ingou wopanyake; so 'o Yesus wosano 'unaka, <<Nomodeke 'ani panyake 'i'aiki?>>

Ngini niomadotoko 'o Buku 'Itebi-tebini sababu ngini niongose ge'ena dau ma dodaka 'idadi niamake 'o 'ahu 'ika-kakali. De 'o Buku 'Itebi-tebini ma sirete 'isisakisii ma ngale ngoi. Ma ngini niooluku nioboa ngoino ma ngale niamake 'o 'ahu 'ika-kakali.

So ma rai 'o Yesus kawongosekau 'unaka, <<Nomomikie, 'ani kokowa nagoraka la notagiou.>> Kage'ena ma 'orasi de 'o nyawa gu'una 'awi panyake 'i'aikokau. 'Una ka 'awi kokowa wa'aiki de wotagiokau. Ge'ena 'idadi Pomaoma-omasa ma Wangeka.

'O Yesus wosango 'o nyawa-nyawaka go'ona wongose 'ato, << 'Uwa koniongakuwa, ngoi ma Jo'oungu ma Dutu 'awi Ngowaka koidadiwa 'o kianikia todiai ka de to ngoi ma sirete 'ai mau. Ngoi todiai duga ka 'okia naga tamake-make 'ai Dea wodiai. Sababu 'okia naga gee 'ai Dea wadiai, ge'enau mita ngoi tadiai.