Popular Bible Verses from 'O Yohanes 11

Share

De 'o Yesus wongoseli 'o ngo Martaka, <<Ngoi ne'ena 'o nyawa yosonge-songenuku takisimomi-momiki de takikula 'o 'ahu 'ika-kakali. 'O nyawa gee yongaku-ngaku ngoino ngaro yosongenukou ma dua yowangoli. De 'o nyawa yowango-wango gee yongaku-ngaku ngoino, 'ona 'asa kaisi'ado-'adonika koyomakati-tingakuawau de ma Jo'oungu ma Dutu. Ngona nongaku ge'ena?>>

'O Yesus kawaporoongie wongose ngo Martaka, << Ee Marta, tonisidemokau bolo: Nako ngona nongaku, 'asa namake ma Jo'oungu ma Dutu 'awi kuasa posironga ma amoko.>>

Ge'enaka de 'o Yesus wo'ari.

'O Yesus wo'isenoka 'o besesongo ge'ena, de kawongosekau, << 'O panyake ge'ena dua sigado kowosisongenuwa. Ne'ena 'idadi la ma Jo'oungu ma Dutu wisiarene, de mita ma sababu ge'ena, ma Jo'oungu ma Dutu 'awi Ngowaka mita wisiarene.>>

Ka koge'ena wongoseka de wo'asoko wakua-kuatie, <<Lazarus, nou nosupuno!>> So wosonge-songenuku gee wosupu. 'Awi giama de wi dou ka de ma sa-saokasi 'o mosa ya'are-'arese, de wi biono ma lu-luunu ma koi'aikuawasi. 'O Yesus wakisuloko 'o nyawa-nyawaka ge'enaka gee kawongosekau, << 'Awi sa-sao niasoseka de winimadaka wotagi-tagi!>>

'O Yesus 'awi singina posironga de 'isusakauoli, so wotagi 'o bo'osuika. 'O bo'osuku ge'ena 'o teto ya'aruika de 'o teto 'iamo-amoko yositamunika.

'O Yesus koge'enau wongose, ge'enaka de wongoseli, <<Nanga manai 'o Lazarus woma'iduokau, ma dua taika de towisimomiki.>>