Popular Bible Verses from 'O Yohanes 10

Share

Yotosi-tosiki yoboa ge'ena duga kayotosiki, yoto'oma, de 'o nyawa yasotumu. Ma ngoi toboa, ma ngale 'o nyawa yamake 'o 'ahu ma dutu, de kokiawa yakisidukurangi.

Ngoi ne'ena 'isoka 'o domba ma so-sowohi yaowa-owa. 'O so-sowohi ma owa ge'ena womodeke wosongene ma ngale wariwo 'awi domba-domba.

To ngoi 'ai domba-domba ge'ena 'isigisene 'ai 'ilingi, ngoi takokinako 'ena de 'ena 'imoteke ngoi.

Ngoi tokula 'enaka 'o 'ahu 'ika-kakali, de 'ena 'asa kaisi'ado-'adonika koibinasawau. 'Ena 'asa komoiwa moi 'idadi ya'ora to ngoi 'ai giama ma soatoka.

Ngoi ne'ena 'isoka 'o ngorana. Nago'ona yowosanga yoboa ngoino 'asa koyakido'oawa de dua yosupuwosanga la yo'ahu 'isanangi.

Ngoi ne'ena 'o so-sowohi ma owa. 'Isoka 'ai Dea woinako ngoi de ngoi towinako 'ai Dea, koge'enali mita ngoi tanako 'ai domba, de 'ai domba 'inako ngoi. Ngoi tomodeke tosongene ma ngale tariwo 'ai domba-domba ge'ena.

'Ai Dea wosisarakaniokau ngoino. De 'una 'ifoloi 'awi kuasa 'iamoko de nago'ona bato so komoiwa moi 'idadi ya'ora 'ai Dea 'awi giama ma soatoka. Ngoi de 'ai Dea ge'ena ka moi.>>

Ngoi ne'ena 'o so-sowohi ma owa. 'Isoka 'ai Dea woinako ngoi de ngoi towinako 'ai Dea, koge'enali mita ngoi tanako 'ai domba, de 'ai domba 'inako ngoi. Ngoi tomodeke tosongene ma ngale tariwo 'ai domba-domba ge'ena.

Ngoi 'asa komoiwa moi 'idadi 'ito'oma nako ko ngoiwa ma sirete tomasisarakani. Ngoi tomasisarakani moteke to ngoi 'ai mau ma sirete. Ngoi tokuasa ma ngale tomasisarakani 'iso-songene, de mita tokuasa ma ngale to'ahuoli. Ge'enau to ngoi 'ai manarama 'ai Dea wosuloko tadiai.>>

So 'o Yesus wakidongose ma moioli, <<Ne'ena tinisidemo tosigou-gounguku: Ma gou-goungu ngoi ne'ena tomasi'ade-'ade 'o domba ma ngorana.

'O nyawa gee 'o domba wojaga kawisewa, gee ko ma domba ma so-sowohiwa de mita ko ma domba ma dutuwa, 'asa wokokidoowaruku ma domba nako wamake 'o haewani 'iti-tingkai 'iboa. So 'o domba-domba ge'ena 'asa 'o haewani 'iti-tingkai yakaboto de munuka 'iowara 'imati-tingaoka.

'O Yesus wongoseli, <<Ne'ena tinisidemo tosigou-gounguku: Nago'ona yowosanga 'o domba ma gu-gurungaka la ko ma ngoranikawa yaboa so ka ma hisade yadoa, 'ona ge'ena yotosi-tosiki de yo'ora-'ora.