Popular Bible Verses from Matius 5

Share

Fajé nóté re logaloga né. Iga kyaté né résting i rewóré, bisa pa bo rfarfura keé i, mayta mare rétewlé i po ya bo nfamanano farimé kyat ta si po umé wlólo né. Fajé nóté re mewé. Nimi féifié né mare fpe po kyaté-kyaté bo rémnawé, bo si ma rtail re rfapélóyé nimi Moke Jou Lahatala ta I po soroga njé nóté.”

Kfatailo mewé né dolo manano ta nfaménano yéfén po dunia nje ni wlólo nte bo kyaté-kyaté né rdéréré Jou. Manano ta njé i masike tépiné i ma nase kyaté né rémnaw i le, tfailo dolo kota ta po métét papo lo né.

Goné be kyaté-kyat ta wlori berési po Jou Lahatala usno lo né, sababta kyat ta néi ta nase rémnaw Jou Lahatala.

Goné be kyaté-kyat wlori ncuka rpe be ta métegélé né, sababta Jou Lahatala nase n'gali sogado nbung si.

Mayta Ya bo kécego mewé, mewé mare fmasié kyaté-kyat ta riri lé mewé, re ta rfakangelangé mewé né, féroré bo Jou npo si be ta fié le.

“Ta séngséngé bóto si né, maduga kyaté-kyat ta rpe riri diri dolo re riri ngale gélesó pa po Jou Lahatala usno lo né, sababta si ta néi ta rdadi Jou Lahatala ni kyat si.

Goné be kyat ta rfaifio kyat ta rfatut lé né, sababta Jou Lahatala nase nécegé ni ntu si.

Goné be kyat ta wlori kangelangé né, sababta Jou Lahatala nase niwéné keé se séngséngé bóto si.

Goné be kyaté-kyat kyat iglé rfakangelangé keé si ni mdio rpe be ta métegél po Jou Lahatala usno lo, sababta si ta néi óro ta rdadi Jou Lahatala ni Ntu si bo nkawasa dolo Kolano po riri hidupé wlólo.

Goné be kyaté-kyat ta rfaftulo riri masié po kyat pai le né, sababta Jou Lahatala ma nase nfaftulo ni masié né po si ni nóté.

Goné mewé sababta ni mdio be fdéréré Ya le, kyaté né rfakcegé mewé, rfakangelangé mewé, reni ta rpe nómi ta lé nóté. Wlomi né sanang re fséngé óro, sababta po soroga nase fduk ta fié né tadélé pélóyé. Tatubé lima né, nabi né ma re rduk pénpuné, ta ni mdio be rfawómo Jou ni faftóté po kyaté-kyaté.”

Goné be kyat ta ryó be pópé le né, sababta kyat ta dolo fajé né Jou Lahatala nase npo si dunia nje.

Yesusé nécegé nóté, “Mew ta fdélé Ya né mare fpe ta fié po kyaté. Kfatailo dolo gasi. Gasi né ta nfamnó mnómé, mayta iga gasi né re nmamisé, nase reni nale pana se twóté keé nétó néliké bo kyaté né rfagteglo keé. Fajé nóté, bo nimi fafié né faftulo po kyat pana, bóngo mewé ma re nimi ngale gélesó pana.

Se mewé re funé nimi Moke Jou Lahatala nmasié kyaté né reni ta sól faésó le ma tisé. Se mewé ma mare fpe né ta dolo I npe né nóté.”

Se ta fié né, iga ta fécegé né ga fatuwé, fsóngél be, ‘Fatuwé’, pari ta fatuw pa, fsóngél be, ‘Fatuw pa’. Mayta ma fsasi le na, sababta méitén ta néi lima setané né riri kolano njé ni.”

“Mewé ma re flongé aturan-aturan tadolo faje, ‘Iga reni kyat ta nfayóbété keé mtómi né, i mtó né ma mare rfayóbété keé. Re iga reni kyat ta nfapekét ngangom i né, i ngango né ma mare rfapekété keé.’ Mayta nte Ya kécego mewé, iga reni kyat ta rpe nómi ta lé, ma fkotale ta si bo rpe né na. Iga kyaté réspakél fofomi ta wónéyé né, fpo ta féspal balété né nóté.

Bo mtómi faspal wónéyé né npe sélsól sogado re fdéréré Ya pana, ffélébété keé bo ma npe sélsólé le na. Ta fié fsung soroga re mtómi faspalé le, sababta reni ngale pa re mtomi abén luwé ga fsung naraka né. Fajé nóté re faomi né. Iga faomi ta faspal wónéyé né npe sélsól sogado fdéréré Ya pana, féwetésé keé bo ma npe sélsólé le na. Sababta reni ngale pa re faomi abén luwé ga fsung naraka né.”