Popular Bible Verses from Matius 16

Share

Rewóré ta néi, Yesusé nécegé ni motemote nesté faje, “Pai ta bo ndéréré Ya né, mare ma ndéréré ni wlo njé na. Masike nduk kangelang sói néli sogado bo nmóté, ndéréré be Ya le. Sababta kangelang sói ta i nduké né, necé tadolo npó ni salibé njé, se ndéréré Ya né.

Awé ngósnomé né Petrusé, ta ni ngale né lóy ta matué né. Ya bo kfajólo kyat félé ta rdéréré Ya ta dolo awé nte, bo fdadi nik jemaaté mewé. Kfatailo jemaaté njé dolo um ta tfawoslé po lóy ta matué ta tpeo fandasi né. Bo masike setané riri kawasa né rfarwaé nik jemaaté né ma, nase réfen pa se si pocé sogado fajé néli le.

Ya bo kpo aw kawasa bo mfaménawé nik jemaaté né, Jou ni kyat ta I nkawasa si né. Kfatailo dolo kpo aw kunci, se sói ta awé mpo fié po dunia nte, Jou Lahatala ma nase npo fié po soroga nóté. Sói ta mpo fié pa po dunia njé ni, Jou Lahatala ma nase npo fié pa po soroga né.”

Sababta kyat pai ta nfatubé be i ni diri né le, nejé nase nmóté né nduk ta fié pa sogado fajé néli le. Mayta kyat pai ta npo ni hidupé bo ndéréré Ya, i ta njéi nmóté né nase nduk ta fié sogado fajé néli le.

Kyat pai le, masike haréta ta po dunia wlólo nte i nó ndimé, mayta reni ngale gélesó pa, sababta nmóté né nase nduk ta fié pa sogado fajé néli le. Bóngo nase reni pana ta bo rpo néli po Jou ni bo rduk ta fié sogado fajé néli le.

Tabóngo Yesusé nutné si nmulé, “Se ta mewé funé né, Ya nte pai?” Bóngo Simon Petrusé ncónglo, “Guru, Awé Mesias óro, Kolano ta Jou Lahatala néjaji nwómé bo nfasalamaté kyaté njé. Awé Jou Lahatala ta nhidupé njé ni ntu Awé!”

Pocé bóngo Yesusé nécegé i faje, “Simoné, Yunusé ni ntu ta awé! Goné awé, sababta ta mécegé né isó ta nfébingo aw pa, mayta Ya nik Moke ta I po soroga njé ta nfébingo awé.