Popular Bible Verses from Matius 10

Share

Yesusé nécegé nóté po ni motemote nesté ni, “Flongé fafié é! Ta Ya kané mewé fané né, nase po kyat léo bóto, necé kfatailo mewé né tadolo domba ni ntu ta rfan po yaw banga né riri fapéluné né. Se mare fpe akal ta dolo guwé njé nénpe né, re wlomi né mare berési dolo mané pombo wlo né.

Kyat pai ta nfatubé be i ni diri né le, nejé nase nmóté né nduk ta fié pa sogado fajé néli le. Mayta kyat pai ta npo ni hidupé bo ndéréré Ya, i ta njéi nmóté né nase nduk ta fié sogado fajé néli le.”

Mewé ma fémtaté kyat ta bo rpuné keé mewé né na. Sababta si maduga réfené rfamóté nimi badané, mayta réfen pa bo rfamóté nimi jiwa né. Se fémtat be maduga Jou Lahatala le, sababta maduga I ta néfené nfamóté nimi badan re nwóté nimi re jiwa né po naraka wlólo.

Se kyat pai ta bo ndéréré Ya, mare ma ndéréré ni wlo njé na. Masike nduk kangelang sói le sogado bo nmóté ma, ndéréré be Ya le. Bo tisé, pantas pa bo ndéréré Ya né.

Pai ta nécegé nfayal Ya po kyat ta félé né usnori lo, Ya ma nase kécegé kféyal i po nik Moke Jou Lahatala ta I po soroga njé ni usno lo. Mayta pai ta némtaté se nécegé nféyal Ya pa, Ya ma nase kécegé kféyal i pa po nik Moke Jou Lahatala ta I po soroga njé ni usno lo né.”

Se ffané bo ffafié keé kyat ta rpisé né, kyat ta re rmóté né ffapangéné keé si, ffafié keé ta rpado né, bóngo ffaungé keé setan-setan ta rtolén si po kyaté-kyaté né. Kawasa ta kpo mewé né, re pélpólso pa. Se mewé ma iga ffafan kawasa ta né i bo fgali kyat iglé né, ndél pa bo féror pélpólésé.

Se ma fémtaté le na, sababta mewé mulomi né lebe pélóy po mané gotolo nesté ni.

Yesusé nécegé nóté, “Ya kwóm po dunia nje ni wlólo né, ma facogoma nase kyaté né bo rfatut fié ndimé na. Mayta Ya kwómé nte nase kyat félé rfakotale sogado rfanpuné se iglé rmóté.