Popular Bible Verses from San Matiou 18

Share

Car en caouque luè que si tróboun douès vô tres jèn assemblad’ en moun noun, mi li tróbi aou mitan d’ elei.

Vou diou enca que se dous d’ entre vaoutre s’ uníssoun ensèn su la tèrro, quinto caouvo que demándoun, li sera ’courdado par moun Pèro qu’ es din lou cièle.

Jèsu aguèn souèna ’n pichoun enfan, lou meté aou mitan d’ elei, E li digué: Vou diou en verita, que se vou counvèrtissè pa, e se devenè pa coumo de pichouns enfan, intrarè pa din lou rouyaoume doou cièle.

Cu que siègue que s’ umilïara e si rendra pichoun coum’ aquel enfan, aqueou d’ aqui sera lou pu gran din lou rouyaoume doou cièle

E cu que siègue que reçub’ en moun noun un enfan coum’ aqueou que vèni de dire, es iou‐meme que reçube.

Vou diou en verita, tou ce que liarè su la tèrro, sera lia tambèn din lou cièle; e tou ce que desliarè su la tèrro, sera tambèn deslia din lou cièle.

Es ensin que moun Pèro qu’ es din lou cièle vou tratara, se cadun de vaoutre pardouno pa doou foun de soun couar à soun frèro que l’ a ’oufensa.

Se caouqu’un escandalis’ un d’ aquelei pichoun que crésoun en iou, voudriè miès pèr eou que li metéssoun aou couèl’ uno d’ aquelei pèirasso qu’ un ase viro, e que lou jitéssoun din la mar.

S’ un ôm’ a cèn fedo, e qu’ uno souleto vèngu’ à s’ estravia, que pensà que fagu’ alor? es que lèisso pa lei nouananto‐noou aoutro su lei mountagno, pèr ana cèrca ’quelo que s’ es estraviado?