Popular Bible Verses from San Matiou 16

Share

Alor Jèsu digué à sei diciple: Se caouqu’un voou veni ’mé iou, que renounciègu’ à‐n‐eou‐meme, que si cargue de sa crous, e que mi suive.

E iou tambèn vou diou que sià Pèire, e que su d’ aquelo pèiro bastirai moun egliso; e lei pouarto de l’ infèr pourran rèn contr’ elo.

E vou dounarai lei claou doou rouyaoume doou cièle; e tou ce que liarè su la tèrro, sera tambèn lia din lou cièle; e tou ce que desliarè su la tèrro, sera tambèn deslia din lou cièle.

Car aqueou que voudra saouva sa vido, la pèrdra; e aqueou que pèrdra sa vido pèr l’ amour de iou, la retrouvara.

En que sèrviriè ’‐n‐un ôme de gagna tou lou mounde, e de pèrdre soun amo? vô par quinto pacho l’ ôme poou recroumpa soun am’ aprè que l’ aoura pèrdudo?

Jèsu li digué: E vaoutre, cu dià que siou? Simoun‐Pèire prenèn la paraoulo, li digué: Sià lou Cris, lou Fiou doou Diou vivèn.

Jèsu li respoundé: Sià bènerous, Simoun fiou de Jan, parço qu’ es pa la car e lou san que v’ an revela ’cô, mai moun Pèro qu’ es din lou cièle.