Popular Bible Verses from San Matiou 13

Share

Mai aqueou que reçube la semenço dins uno bouèno tèrro, es aqueou qu’ escouto la paraoulo, que li fa ’tencièn, e que pouarto de frui, e rènde lou cèn, vô lou souassanto, vô lou trento pèr un.

Aqueou que reçube la semenço din leis espigno, es aqueou qu’ entènde la paraoulo; mai pèr aprè lei lagno d’ aquéstou siècl’ e lou faou lusèn dei richess’ estoúfoun en eou aquesto paraoulo, e la rèndoun enenfruchido.

Cu que siègue qu’ escouto la paraoulo doou rouyaoume, e li fa pa ’tencièn, l’ espri malin vèn, e derrabo ce qu’ aviè ’sta samena din soun couar: vaqui aqueou qu’ a reçu la semenço lon doou camin.

Aqueou que reçube la semenç’ aou mitan dei pèiro, es aqueou qu’ escouto la paraoulo, e que la reçub’ à l’ ouro mem’ emé joyo: Mai a je ’n eou de racino, e es que pèr un tèn; e couro li vèn caouqu’ enrábi vô de pèrsecucièn à caouso de la paraoulo, nen pren subran un sujè d’ escandal’ e de toumbaduro.

Lou rouyaoume doou cièl’ es pariè ’‐n‐un tresor escoundu dins un chan, qu’ un ôme trobo, e qu’ escounde, e din la joyo que nen ressènte, vai vèndre tou ce qu’ a, e cromp’ aqueou chan.

Un’ aoutr’ enfin toumbé dins uno bouèno tèrro; e pourté de frui, caouquei gran rendèn cèn pèr un, d’ aoutre souassanto, e d’ aoutre trento.

Lèissà crèisse l’ un e l’ aoutre finc’ à la mèissoún; e aou tèn de la mèissoún, dirai ei mèissouniè: Derrabà premièramen lou juèl, e lià‐lou en boutièro pèr lou brula: mai acampà lou bla din lou graniè.