Popular Bible Verses from Mateus 24

Share

Kagin salan kuzumlakoi tamolpain kuzum nadin ladinpanek biniwoi. Ge me i seŋanip mademap wadanlon i patun pasiwoi.

Anut kaginoi totol gamun tamolpain daŋan pidinoi, fatufatu inan bagozoi. Meginmap saen wadan iduwoi.

Juoi aloŋoi, ju azu inan biŋ mai itasawoi. Dab nau, aŋ so azut mon, abaŋ e idu mokoi. Ge me saen wadan tea.

Fatu ta inan daup me fatu aenta inan me daŋewoi. Kiŋdom ta me kiŋdom aenta daŋewoi. Pitol mim mai aben ibenibenlon diduwoi. Ge abaŋ e daŋan alan nauknen fun mon.

Did mai tan mai dibinip dilawoi, ge ŋainag azu so biniwoi.

Kuzum i inag neaglon disop diboloi, Ŋa Kristus, meginpe i kuzum se diwizidinoi.

Saen melon i aŋ noaŋpa aŋ modoaneklon adulawoi, dufunaŋpa amatoi. Inag neagoi tamolpain fatu daŋanlon dezezeŋanaŋoi. Meginmap kuzum Anut miz depaniwoi, aenta nug blaniblaniwoi. Profet sekauk kuzum dimaispa tamolai kuzum se diwizidinoi.

Jesus auadin jabig ipidin, Dab nau, ta aŋ se so wiziaŋ mon.

Mewoi aŋ mai amazazpa amado, Tamolai admetelaen aŋ lami so ibolime melon isowoilakoi.

Mewoi amazazpa amado, nami Ujanzen isoime nal me so aloŋamelakoi

Ta i nal aur me mai so iloŋime, didnen eŋel mai tea, Mam i mon.

Kristus sekauk ta profet sekauk mai dimaispa bagoz ujan maŋau mai depeteŋanawoi, dal ientap i pilianekgaz mai se diwizidinoi.

Tamolai inan imul isonen me Noa inan nal egin. I saen me siz naonnen demadelak i diani dimili mai, pain deŋale pain depani mai, nal Noa waglon iduseg eginmeg. I siz iseg daŋan iŋalmeg mon diloŋlak egin, megin Tamolai inan isonen mai iduwoi.