Popular Bible Verses from Lukas 8

Share

Tan puluek gauailon ŋabollak me tamolai, i azu diloŋmap bubudin gauai, ikok mailon tezepasig deŋale diabi, bubudinlon du ibol, ibin idup ditozdime, noŋodin inau.

Wazab ŋabollak me tamolpain, i azu diloŋdime, aloumap tan abaŋoi ladin kankanpa puzupuzep demadodime, filiadinoi, abaŋ tinin zigiekoi jaeŋ sufutanamap ditoz, me abaŋ gauai ladinlon idadagime, noŋodin tea.

Pat ŋabollak me tamolpain, i malanmalan azu diloŋdime, gamun ifu, duzi mai depanidime, ge i dubudin tea; saen ta i azu ladinlon malik, ge san ta abaŋ alan i iŋal uz, ladin pasi.

I pidin, Lamilon maliknen ŋan? I tinidin dizez dizutmeg nug dikibiaig dibol, Me itai? Timtag, mastag ipaiime, inan auan dagom depani!

Dallak ŋabollak me tamolpain, i azu bo diloŋ, aloumap Satan isoime, azu bubudinlon pasiime, i so ladinlon malikoi, putudin so isawoi.

Abaŋte tat mon kukumge ienime me so beŋtenoi? Abaŋte tat mon miŋianilak, me so taloŋoi, so tenasiwoi?

Pain iloŋtag i miŋianinen teag, tinin terere ibolmeg ise, naonnen ileg ibal idug tamolpain meladin i jabi nasilak me fun ibol, buntaimon tinin gauailak maig ibol. Mug Jesus ipai, Nanugpain, o ilolon maliklakoi, tini pasa ibol ŋalelak, segauz mazozdaŋan ula.

I Jesus izinnen dipaz, dufuŋunig dibol, Tamoluja, Tamoluja! Id tepadaloi tenautame. I imaisge tim ipaig, mas ipaig to dibol, manin salei ibol.