Popular Bible Verses from Lukas 7

Share

Mewoilakoi ŋa o ŋepaoŋame, I inan aupasek kuzum suas ŋalelak, i ilonpanek metalun inaulakoi; ta i aupasek kuzum suas so ŋaleime, i mai get ilonpanek gauz so inaulak. I mug pain ipai, Oina aupasek get ŋusuas uŋalelak.

Ge i pain me ipai, Oina ilolon maliknen i tetazo ŋiliolak, mazozdaŋan umul ulaŋan.

I Jesus muzinnen ipaz iseg nien funlon itiuz, itameg inan melaun idu; Jesus nien staleg inan gatenzaunlon suas pani, inan nien musuk mai panig gazeŋ fonlak iwali.

Mewoi ŋa sibeg o izinen so ŋale, tea, o azu taimon ta ubolpa, inag begabeg tinin gauaioi. Kin eginpe: ŋa tamol ujan ta inan begabeg, aenta i ŋainag begabeg. Ŋa ta ŋepaimap, Ula! I ilaime. Ŋa ta ŋepaimap, Usop! I isoime. Ŋainag begabeg ŋepaimap, Abaŋ kibine! I kibineime. Jesus megin iloŋge izut, idaŋseg duzig ditozdime me pidin, Ŋa ŋepaiaŋ, Israel ilonnen ta ilonlon maliklak egin so ŋenasilak.

Saen melon Jesus tamolpain kibiniameg made, buga ikudua, meladin itaulak gauai inaug pinidin. Meginge i auadin jabi pidin, Aŋ ŋan anasiame, aloŋame mai, alap, Johanes sai apanip apai, Tamolpain meladin itaulak i abaŋ denasidime; tinidin miliaulak i gauai ditozdime; tinidin pizapizdaŋan kibiniag ditozdime; tiliŋadin itaulak po ibol; dimatlak fuŋunag faun basdime; waizlak i totol gamun diloŋdime