Popular Bible Verses from Johanes 6

Share

Jesus i pidin, Ŋa basnen sepalaŋ, i ŋa izignen isoime i pitol so mok funiwoi; me i ŋa ilonlon malikime i sansan nazoi so imatoi.

Uz i bas inauime, tinin me se mok mon. Azu me ŋa ŋepaiaŋŋame me Uzdaŋan basdaŋan mai.

Aŋ anaŋ padalimelak mewoi mon uzat so anau mon, tea, anaŋ dedeŋanip ienoi mewoi, me Tamolai ipanaŋoi, i mon Anut Taman pilianilak.

Me i ŋa noagge ŋaselak i ibol, daŋan me Anut ai denasip ilonlon malik mai i dedeŋaneknen bas iŋalewoi, me ŋa sibeg nal wadanlonpa ŋibisap bas imaisoi.

Jesus auan jabig pidin, E me Anut inan uzat, aŋ i inaug iselak ŋan i lamilon malikoi.

Mam i ŋa panagime me daŋan ŋa izignen disowoi; me i ŋa izignen isoime me ŋa so ŋebetetaniwoi.

Me Simon Petrus auan jabig ibol, Ujazen am it izinnen alawoi? o dedeŋaneknen bas inan azudaŋan.

Ŋa basnen sepalaŋ didnenge idulak. Tamol ta menen janitap i dedeŋanip madowoi. Sepalaŋ me ŋa panupanuwain basnenoi ŋipinidinoi me ŋainag tinig.

Tata Mam me ŋa noagge ŋaselak i so izaetap i izignen isonen tea, meginpe nal wadanlonpa ŋibisap bas madowoi.

Nasi, Anut inan sepalaŋ ŋan me i didnenge isoime, me tan e bas niŋon paniime.

Ŋa basnen sepalaŋ.

Meginge Jesus sepalaŋ boi me ŋaleg jabig kalel pani binig i dematallak me wae pinidin, ij mai megin idusanen ipinidin. I loadin didilag Jesus meglaum pidin, Nenamun diendime me nanep ta so padaloi.

Meginge mail 3 ilap 4 dikoilag i Jesus mas atenlak itozmeg wag siziz panimeg denasig i dizez. Ge i pidin, Ŋa sibeg, so azez mon.