Popular Bible Verses from Johanes 10

Share

Ponaubibian ponauoi mon isoime, funip imatnen, pitiŋineknenoi mon. Ŋa bas niŋon dadon isaknen deŋalewoi ŋase.

Ŋa tizinek gauai. Tizinek gauai i belelekoi imat pasiime.

Ŋainag belelek ŋainag klagug diloŋ, ŋa i ŋaloŋ, i ŋa duzagdime.

Me ŋa bas dedeŋaneknen ŋipinidinŋame, i sansanpe so mok depadaloi; tamol tata i ŋainag nimaglon so wiziag iŋaloi.

Ŋa dalauan, tata ŋalon idulemap i patun pasip madowoi, i idulap itasap anaŋ inasiwoi.

Ŋa tizinek gauai, ŋa inag belelek ŋaloŋ, inaggaz me ŋa diloŋ.

Ŋainag Mam me i ŋa panaglak daŋan nenaza pasi, tata i inag Mam inan nimanlon wozainen so iloŋ. Ŋa ŋainag Mam mai taimon.

Me Mam i ŋa iloŋime egin, megin ŋa mai Mam ŋaloŋ; inag belelekoi ŋamat pasiŋame.

Tata so wiziag, tea, ŋa sibeg ŋabolge basnen ŋibiniŋame. Ŋa ŋamatnenoi tiwogdaŋan, faun bas ŋeŋalenen mai ŋaloŋ. Kibiaiŋ me Mam ipanaglak.

Meginge Jesus faun te pidin, ibol, Malik mok malik, ŋa aŋ ŋepaiaŋ, ŋa belelek nadin dalauan.

Ge me i uzat ai mon, tizinek mok tea, me belelek mai inan tea, wolf isoime nasip i belelek ibinpa iauime; me dazuk salan ijab belelek pizitiliaime.

Malik mok malik, ŋa aŋ ŋepaiaŋ, me i dalauanlon belelek nadin azlon so idulemap, tea, iduseg dal talon idulaime i ponaubibian funekbibian mai.