Popular Bible Verses from Jakobus 3

Share

Ge kaginkagin latnenge me malan ikok mon, uzip mazoznen, so je uziime, dagom, aentawoi teŋaen alannenlon, niŋon gauai mai mon ifofokime, i so ilonse ilonlaime, sekauk teabe.

It aŋ leŋamilon ilon kaginkagindaŋange abaŋ tezepasig iloŋ? Ŋan i kaginkaginkamaŋ egin binip iduknenlon, inan tazeŋ gauailon aenta inan nauknauk ipeteŋanap denasiwoi.

Taoz inan niŋon me mazoz inan fabul, mazoztamol i fabul me depaedime.

Aben me jenain isunen, nug saeksaek mai ienlak, melak siai mai abaŋ salan mai mon ienime.

Melon id Ujanzen Mam mai pez tepanitame, melon id tamolpain, i Anut walis inaug ditozdime, A bugap padal ula tipidintame. Auan taimon melon kibinek azu, meselanek azu mai itasaime. Taiggaz, megin ienlak me gauai teabe.

Baled me mai jananin. Inad tinid inan boi daŋan ilonnen i abaŋ salan egin, tinid daŋan bibianiime, i inad ilod bubed tinid daŋan jalon egin itunig nanaime, Hades siben inad baled ituni.

Ge balen menen denaug lo tea, i inan fun dagom paninen teabe, i gisigas mok, mizimazdaŋan.

Taiggaz wezami, aŋ aenta kagin apeteŋanawoi tinimi so aŋalep amug mon. Aŋ aloŋ, id Anut uzattamol tamol se nenazap Anut i kagin gegaunlon bitiniadoi.