Popular Bible Verses from Jakobus 1

Share

Au, taiggaz, kibianek funfun aŋ ziminen idutap aŋ mewoi jumi gauz isap amadowoi. Aŋ ŋan aloŋame, lamilon maliknenoi kibianek me inan niŋon segatek aŋ aŋalewoi.

Aŋ ta ilon kagin teatap i Anut mai igodoi, ŋan i daŋan segauz ipinidinime, tata i so ipaiime; meginpe i ŋalewoi.

Taiggaz wezami, aŋ me aloŋame. Mewoi dadodado pasak tiliŋan po iboloi, auan so fezafuzoi, buzunoi muzuan mon inauwoi.

Segatek me nami tazeŋ daŋanlon niŋon dadon isap inauwoi, aŋ tezepasaŋpa, peneŋ teap amadowoilakoi, dallak kagin niŋon tata so teaboi.

Ge aŋ azu se so mon aloŋoi, tea, inan auan uzi panipa, niŋon anaup itasawoi mai, teatap, aŋ sebami se wiziaŋame.

Patun isap mado, me aten saeklon seŋanig itozime; i kibianeklon iduselap, i dedeŋaneknen bas niŋon iŋalewoi, me Anut ladin depanidime me iblani pinidinlak me.

Abaŋ zaiŋ gauai me daŋan, abaŋ suzuzum gamun mok me daŋan mai latnenge, Sultaman izinnenge mon iduime, me i so bulise bulilaime, i naonnen lelaman mai mafuz mai so poalekpoalek diendime.

Ta i azu se iloŋ montap, ge melon so itozime, i tamol e ikol, me inan metelaen dodaliŋlon iliŋeime. I siben liŋelag ilaime, buntaimon ilon padal, i naon dodin tat.

Idinad Mam Anut naonnen ilonlon maliknen niŋon ikok mai ŋan e: ai i tinan taman tea bobpain mai me alan denaudime, me zidinnen lo talap kibiniawoi; tannen kagin inan nun mai so bibianadoi.

Tata buben aten saemap i so ibol mon, Anut ŋa ateg saeime, abaŋ alan Anut aten saenen tea mok. I siben mai taimon ta aten so isaeime. Tea, dadodado i aten saemap, me i siben inan ilon zagun salanlon malan isi buben mai imaisime.

Tain waiz me inan jesoi zigianiwoi.