Popular Bible Verses from Genesis 39

Share

Ujanzen i Josef mailak, abaŋ daŋanlon i tamol niman jumusan; i inan tamolujan Egiptawain inan ablon made.

Meginge inan abaŋ daŋan Josef nimanlon inau. I mademeg Potifar abaŋ tawoi jaeŋ kin so funi, i anaŋ janinen mon ilon isou.

Sebanekgaten i sebanekgaz sebaneklon demadodime me daŋan Josef nimanlon inau; abaŋ daŋan i melak denaudime me Josef i inauime.

Tamolujan Josef ŋaleg sebaneklon inau, aben kiŋ inan sebanekgaz demadodime melon, Josef melak sebaneklon made. Ge Ujanzen Josef maig demade, ilopanek segatekdaŋan ipani, sebanek gaten malanlon kanimdaŋan imade.

Josef i tinin naon mai gamundaŋan. Santag inan tamolujan inan iwon i Josefoi malan isig ibol, Ŋa maip taenoi. Ge i imoige inan tamolujan inan iwon ipai, Nasi, ŋa i izinnen ŋemademap inag tamolujan ablon abaŋ tatawoi jaeŋ so funiime, inan abaŋ daŋan ŋa nimaglon inaulak. I ab elon ŋa so beleŋanag; abaŋ tata so piziani, o sibe mon, o inan iwonlakoi. Ŋa dodin abaŋ salan mok zen a ŋenauwoi, Anut inan auan auŋapasoi?

Nal ta i inan uzat inauwoi ablak iduseg ablon ab inan tamol ta so mademeg, i inan jamel jabig ibol, Ŋa maip taenoi! Ge i jamel inan nimanlon binig ienmeg iau, ablonge tapas idu.