Popular Bible Verses from Genesis 32

Share

Meginge i ibol, Oina nea faun Jakob so deblaniwoi, tea Israel, o Anut tamol mai wagai unaulakge o seŋanolak.

Meginge i ibol, Binagpa ŋala, fatu sesaliime. Ge Jakob ibol, O baz so panagtap na so ŋibinowoi.

Jakob siben taimon made. Tamol ta i maig bulebulemeg fatu sesali.

Mewoi Jakob fatu me nean Peniel iblani. I ibol, Ŋa Anut malag patun moklon ŋenasig so ŋepadal.

Tamol mug dab pani, i Jakob mai bulebulemeg so seŋanig, i inan talin batek me ititig, i mai bulebulemeg talin batek me sepegai egin inau.

I ipai, Oina nea itai? I ibol, Jakob.

Meginge Jakob i sedaze, Paiagpe ŋa ŋogodoano, oina nea itai? Ge i ibol, Dodinge o inag neagoi sodoz panagume? I mug melak baz pani.

Ilopanek segatekdaŋan bube malik mai, me o oina begabegoi beŋten unaulak mewoi ŋa so ŋaduse. Jatok elon mon ŋa Jordan e ŋedaialak; gazo ŋa malan azugen.

Mewoilakoi Israelgaz i get mon gazo e, talin inan dul me talin inan gogoŋ fonlak ienime me so dianidime, i Jakob inan talin gogoŋ fonlak dul ititilakoi.

Jakob ibol, O Anut, ŋainag mam Abraham inan, mam Isak inan Anut mai, O Ujazen, o ŋa paiag, Oina mezaufatulon, oina taitauagaz zidinnen umulpa, ŋa o ŋunuo gauaioi.

Taig Esau nimanlonge tetazag ŋiliagpe ŋogodoano, ŋa iwoi ŋazez, isop am daŋan aikamo tinadin mai funumawoi tat.