Popular Bible Verses from Genesis 1

Share

Meginge Anut ibol, Id walislon tamol tenauwoi, id kiliad. I ij maslon, ma did paenlon, bulmakau, abaŋ daŋan tanlak depaleldime me daŋan getadin denaup demadowoi. Meginge Anut siben walislon tamol inau, i Anut walislon siben kilian inau. Tamol pain mai inaulak.

Anut baz pinidinge ibol, Aŋ fabuldaŋan atozmap fatufatu fuampa itizinip fun amado. Ij maslon, ma did paenlon, abaŋ bas tanlak demadodime me daŋanoi gaten anaup amadowoi.

Funlon Anut did tan mai inaulak.

Tan so kibine, se mok ien, betabet malan me mafuz pani. Anut inan Uz me naz fodin mon sololoanig itoz.

Anut ibol, Fatu sesali inau; ibollak egin uzig ien.

Anut abaŋabaŋ inaulak me daŋan liŋialag gauai mok me iloŋ. Nal sikslon juza bomon mai megin.

Sesali gauaige Anut inasi. Anut sesali iben inau, mafuz iben inau.

Anut ibol, Anasi, ŋa biab fabul patundaŋan tan daŋanlon diendime me ŋepanaŋlak, ja inan patun fabuldaŋan me nami anaŋnen aŋalewoi.

Sesali mewoi Anut Ad ibol, mafuz mewoi Bo ibol. Nal wonlon juza bomon mai megin.

Anut ibol, Naz liluŋlon geg inauwoi, naz latnen naz tanlak mai tezepalep ibeniben inauwoi.

Dazuk daŋan tanlak, did paenlon ma daŋan, abaŋ tanlak depaleldime me daŋan, abaŋ daŋan me uz basdaŋan me ŋa biab basdaŋan anaŋnen ŋipinidinlak. Meginge megin dien.

Anut ibol, Did inan loaneklon abaŋ delelamannen inaup dienoi, ad bo mai tezepalep ibeniben dienoi, me bagoznen, saennen, nalnen umaznen mai.

Anut ibol, Tan ifuzpa abaŋabaŋ ditasa, biab fabuldaŋan, ifumelaun niŋon fabuldaŋan funfun tanlak difuŋan. Meginge megin dien.

Anut i loanek inau, naz geg paenlon me naz geg fonnen tezepaleg ibennen inau. Meginge megin ien.

Tan ifuzge biab fabul ibenibendaŋan ifumelaun fabuldaŋan sebadin fudin duzig difu. Anut inasilak me gauai.

Anut sul ujan azugen inau, ujanzen me adnen, kin ujan me bonen. Patui daŋan mai inau.

Anut ibol, Did paenlon naz aben siben inau, tan kazak itasaŋan. Ibollak egin uzig ien. Anut kazak mewoi Tan ibol, naz temaneklak mewoi Mas ibol. Anut inasilak me gauai.

Anut inasilak me gauai. Anut baz pinidinge ibol, Aŋ fabuldaŋan atozmap mas fuamoi, tanlak ma kuzumoi.

Anut ibol, Tanlak abaŋ funfun inaup ditasawoi, bulmakau, abaŋ depaleldime, tan inan dazuk funfun mai. Meginge megin dien.

Anut ibol, Abaŋabaŋ maslon nazlon debelamai mon depasiwoi, did paenlon tanlak ma dizouwoi.

Anut tan inan dazuk funfun, bulmakau funfun mai, abaŋ depaleldimelak funfun mai inau. Anut inasilak me gauai.