Popular Bible Verses from Efesus 4

Share

Aŋ nugoi lolon atoz, bubumi gauaipa, Anut Kristuslon nami aupasek paze idulak egin aŋ nugoi megin anaumap atoz.

zaek imulnenlon, binek iduknen, ilon naseknaseklon, nug ilopaneklon dinidini.

Azu mauk ta auamilon so itase mon, tea, subuloaneknen azu me mon abol, azu auajabekoi iduselak me, meginpe i azu me diloŋdime i ladin gauaioi.

Kagin gigien, pasak buben wonanan, buzun, azu faifai, uf nauk me apasi, kagin salan daŋan mai.

Buzumi isap au so apas mon; aŋ buzumi isamap aŋ nal melon mon atemani. Satan inan aben so pasi pani mon.

Aŋ bubumi getnen inan tazeŋ apasi, me se wozaiklon buben imaisnen uzig imaulak. Aŋ nami kankan inan uzlon faun noaŋ mugpa, aŋ tamol faun unulape, me i Anut walislon taoz malik, gun niŋon mailon inaulak.

Uzgun i abaŋ daŋanlon inoaŋ taimonlak me inan mazoz kaginlon jaeŋ funaŋpa itizini.

Inan suzuzum me megin, ta apostel, ta profet, ta totol, ta medaeŋ tizinek, ta me peteŋanek inaug demadodime, me gungaz sedageknen, dinek uzat nauknen, Kristus tinin subuloaneknen. Id daŋan ilodlon maliknen taimonmap, Anut Ai taloŋpa, tamol niŋon tenaup, Kristus kilian id dadod isap niŋod tenaumap eginmap.

Id mug aikamo egin so temadowoi, so tanadse tanadlawoi, azu funfun tim ibenibenlon egin so pededeŋanadoi, tamol nadin sekauklon, inadin maŋau bibian inan se wozaiklon. Tea, azu malik ilopaneklon beŋten tabolpa id abaŋ daŋanlon gaten Kristus inan lolon tatuboi.