Popular Bible Verses from Petrus II 2

Share

Mewoi Ujanzen i dagomgaz kibianeklon tataz iŋalnen iloŋime. Ge me i taoz tealak me naon pinidinmaplap betenaek nal idumap eginmap.

I dal taoz diloŋlak, ge kibiaiŋ gun ipinidinlak me faun miz depanilak me gauai tea. I get so diloŋpeges me gauaipe. Azu tibun naon taimon egin ienime, Gaun inan luek faun te janiime. Ta mai, Boz flanilak faun te naloglon tilibulime.

I paseklon demadowoi blani dipinidinmeg i sebadin pedaleŋ inan begabeg demadodime. Abaŋte tat inaug tamol i paenlon madoimelak, ŋan me sebanek paniime.

I inad Ujanzen Patudpaseknen Jesus Kristus diloŋmeg tan inan nunlon tuzugusalak, ge faun te melon sebanap seŋanek bedani maimap, meginpe wadan gazo me wadan getnen beleŋani.

Get tamolpain leŋadinlon profet sekauk demade, aŋ ilonlon mai peteŋanek sekauk demadowoi, me kukumkukum padalnen azu sekauk deŋalep disowoi, nadin Ujanzen me i idadlak iwoi dekakezoi, pedaleŋ pasak fodinlak dezaep iduwoi.