Popular Bible Verses from Johanes I 2

Share

Tealakgaz nadin kagin abaŋ tanlak ienime mai lami so ipinidin mon. Ta i tealakgaz nadin kagin ilon paniime, i ilonlon Mam inan ilopanek so ienime. Tan inan abaŋ daŋan, tinin inan buben imaisnen, malan inan isinen, ŋagas temadonen mai me Mam i fun tea, tea, me tan inan fun.

Tannen abaŋ me biniime, inan malaisek mai, ge ta i Anut inan auan uzi paniime i dedeŋanip madowoi.

Ta ibol i i‐lon madoime, i Jesus itozlak egin mai itozoi.

Aŋ ai kamo, mewoi azu e ŋegaze ŋepanaŋŋame, aŋ au so apasoi. Ge ta au ipasmap inad aned idunen ta Mam izinnen madoime, ŋan Jesus Kristus, i taoz.

Ta ibolime i Jesus iloŋ, ge inan kibiaiŋ dab so ipaniime i sekaukwain, i ilonlon azu malik so ienime.

Id inan kibiaiŋ dab tepanimap id taloŋ id mug sibed i taloŋ.

Ta ibol i lelamanlon madoime, ge inan tain zezeŋaniime i gazo e mafuzlon mon madoime.

It sekaukwain, me i tea tat me ibol Jesus i Kristus tea? I me Anut, Anut Ai mai zezeŋanaime, i Kristus inan daŋek.

Tata Anut Ai zezeŋaniime i Mam mai tea, ge i me Anut Ai sigianiime i Mamdaŋan mai madoime.