Popular Bible Verses from Korint I 13

Share

Ilopanek me nasinasi monime, i lodaŋan, ilopanek me jenain so isuiime, auan so fezafuz, igas tea. I kagin tiduk tealak melon so itozime, siben inan kankanoi gik so inauime, pasak buzun so isa, so magu, aupasekoi ta so meselaniime.

Ilopanek abaŋ daŋan joazeime, abaŋ daŋan ilonlon malikime, abaŋ daŋanoi suzuazouime, abaŋ daŋanlon segatig madoime.

Ilopanek me abaŋ taoz tea mewoi so zigeime, tea, abaŋ malikoi zigeime.

Ge gazomnen ilonlon maliknen, suzuazouknen ilopanek mai diendime, abaŋ tolgen me. Ilopanek bo aenta nenazag ujan.

Ilopanek gaid so biniime. Profet nadin azu imugseg flalenen me gazop biniwoi, balen azu ibeniben dibolnen me biniwoi, abaŋ taloŋnen mai biniwoi.

Ŋa tamolai mai eŋel mai nadin balenlon ŋabolmap, ge ŋa ilopanek teatap ŋa kokoŋ liŋan, tea, giliŋilaŋ liŋanime egin mon.

Ŋa profet egin imugseg azu flalenen tiwondaŋanpe, abaŋabaŋ miŋianig diendime me ŋaloŋnendaŋan mai, ŋa ilonlon maliknen tezepasekdaŋanlon did sebazanen ŋaloŋpe, ge ilopanek teatap ŋa se lasen mok mon.

Ŋa ŋainag abaŋ daŋan waizgaz ŋufutuap ilap, Ŋainag tinig segauz maziwoi ŋabolpe, ge ilopanek teatap ŋa naon so ŋeŋaleŋame.

Ŋa nanun kitekmeg ŋa nanun kitek egin azu ŋabol, nanun kitek egin abaŋ dab ŋepanilak, nanun kitek egin kankanlak. Ge gazo ŋa tamollak ŋa nanun kitek inan kagin ŋibinilak.