Popular Bible Verses from Room 7

Share

Maa ngi sant Yàlla; am na kuy musle, mooy Yeesu Kirist sunu Boroom. Kon nag lii laa gis ci sama bopp: ci sama xel maa ngi topp yoonu Yàlla, waaye ci sama bindu doom Aadama maa ngi topp yoonu bàkkaar.

Ndaxte xam naa ne lu baax dëkkul ci man, maanaam ci sama bindu doom Aadama. Am naa yéeney def lu baax, waaye awma kàttanu yeggale.

Lu baax nag lu may yéene, duma ko def, waaye lu bon lu ma bëggul, moom laay def.

Bu fekkee nag lu ma bëggul, moom laay def, kon dootul sama coobare, waaye bàkkaar bi dëkk ci man, moo ma ci jiiñ.

Gis naa nag lii: saa su ma bëggee def lu baax, lu bon a ngi ma taxawu. Ndaxte ci sama biir xol yoonu Yàlla wi neex na ma.

Kon nag gannaaw li may def du sama coobare, nangu naa ne yoonu Musaa baax na.