Popular Bible Verses from Room 12

Share

Bu leen àddina jay, waaye yeesluleen ci seen xel, ba soppiku, ngeen mana xam bu wér coobarey Yàlla, di lépp lu baax, neex ko te mat sëkk.

Kon nag bokk yi, gannaaw yërmandey Yàlla baree na noonu, maa ngi leen di ñaan, ngeen jébbal ko seen yaram wépp. Na seen dund mel ni sarax su ñuy defal Yàlla, sarax su sell te neex ko. Loolu mooy njaamu, gi leen war.

Bégleen ci yaakaaru ëllëg te muñ bépp tiis, di sax ci ñaan Yàlla.

Bu leen lu bon ëpp doole, waaye notleen ko ci def lu baax.

Bëgganteleen ak xol bu leer, niy doomi ndey, te farlu ci teralante.

Na seen cofeel di lu dëggu te baña nekk ngistal; araamal-leen lu bon te sax ci lu baax.

Wutleena juboo ak ñépp, ba fa seen kàttan yem.

Samay soppe, buleen di feyantoo, waaye bàyyileen lépp ci loxoy Yàlla, mi yelloo àtte; ndax Yàlla nee na ci Mbind mi: «Man maay àtte, maay fey jëf.»

Sawarleen te baña tayel, di jaamu Boroom bi ak seen xol bépp.

Gannaaw Yàlla may na ma ciw yiwam, ma nekk ndawam, maa ngi leen di wax lii, kenn ku nekk ci yéen: buleen yég seen bopp, waaye ngeen am xalaat yu yem, méngook ngëm gi leen Yàlla sédd, ku nekk ak wàllam.

Buleen feyante lu bon, waaye sàkkuleen seede su rafet ci kanam ñépp.

Bokkleen menn xel, tey baña yékkatiku, di yóotu daraja, waaye ngeen fonk ñi suufe; buleen teg seen bopp boroomi xel.

Waaye defleen lii: «Bu sa noon xiifee, may ko mu lekk; bu maree, may ko mu naan. Ndax boo ko defee, dinga ko rusloo.»

Ku leen fitnaal, ñaanal-leen ko yiw, te bañ koo móolu. Bégandooleen ak ñi bég, te jooyandoo ak ñiy jooy.

Dimbalileen gaayi Yàlla yi ci seeni soxla, te saxoo dalal gan.

Loolu, ci maanaa, mi ngi mel ni yaramu nit: yaram, lu cér yi baree bare, benn niroowul ak moroomam liggéey. Noonu itam nun ñi bokk ci Kirist, lu nu baree bare, benn lanu te danoo mànkoo.