Popular Bible Verses from Peeñu ma 22

Share

Man maay Alfa di Omega, ki jëkk tey mujj, maay njàlbéen gi, di muj gi.

Yeesu nee na: «Maa ngi ñëw léegi, indaale pey gi, ngir delloo ku nekk lu méngoo ak lu mu def.

Te Xelum Yàlla ak séetu Gàtt bi ñu ngi naan: «Ñëwal!» Képp ku dégg wax jii, na ne: «Ñëwal!» Na képp ku mar, ñëw; ku bëgg, duyal ci ndoxum dund mi te doo fey dara.

«Yéen ñi fóot seeni mbubb, ngir saña lekk ci garabu dund gi te dugg ci bunti dëkk bi, barkeel ngeen.

«Maa ngi ñëw léegi. Yaw miy sàmm waxi Yàlla, yi ci téere bii, barkeel nga.»

Guddi dootul am, te kenn dootul soxla leeru làmp walla naaju jant, ndaxte Boroom bi Yàlla moo leen di leeral. Te dinañu nguuru ba fàww.

Kiy seede mbir yii nee na: «Waaw, maa ngi ñëw léegi.» Amiin. Boroom bi Yeesu, ñëwal! Yal na yiwu Boroom bi Yeesu ànd ak yéen ñépp.

Man Yowaana maa ngi koy wax képp ku dégg waxi Yàlla, yi nekk ci téere bii: ku ci yokk dara, Yàlla dina dolli ci sa mbugal musiba, yi ñu wax ci téere bii. Ku dindi dara ci waxi Yàlla, yi nekk ci téere bii, Yàlla dina dindi sa wàll ca garabu dund ga ak dëkk bu sell ba, ñaar yooyu ñu bind ci téere bii.