Popular Bible Verses from Màrk 13

Share

Te ñépp dinañu leen bañ ndax sama tur; waaye ku muñ ba ca muj ga, mucc.

Moytuleen te xool! Xamuleen kañ la waxtu wi di jot.

Saa su ñu leen jàppee nag, dëj leen ci péncum layoo, buleen jàq ci li ngeen wara wax; li ngeen jot ca waxtu woowa waxleen ko, ndaxte du yéenay wax waaye Xel mu Sell mi.

Asamaan ak suuf dinañu wéy, waaye samay wax du wéy mukk.

«Waaye bés boobu ak waxtu woowu, kenn xamul kañ lay doon; du malaaka yi ci kaw, du sax Doom ji, waaye Baay bi rekk moo ko xam.

Bu ngeen déggee ay xare ak coowi xare, wottuleena tiit; loolu war na am, waaye mujug jamono ji jotagul.

Yéen nag xool-leen, ndaxte xamuleen kañ la boroom kër gi di délsi, muy ci timis mbaa ci xaaju guddi, muy ci fajar mbaa njël. Bu nee jalañ, bumu leen bett, ngeen di nelaw. Li ma leen wax, ñépp laa ko wax: “Xool-leen!”»

Xeet dina jóg, xeex ak weneen xeet, réew xeex ak meneen réew. Te yëngu-yënguy suuf dina am ciy bérab yu bare, ak ay xiif. Loolu lépp mooy ndoortel metit yi, mel ni jigéen juy matu.

Fàww xibaaru jàmm bi jëkka jib ci xeet yépp.

Ñu bare dinañu ñëw ci sama tur naan: “Moom laa,” te dinañu nax ñu bare.

«Moytuleen. Dees na leen jébbal àttekat ya, di leen dóor ay yar ca jàngu ya. Dinañu leen dëj ci kanam i boroom réew ak i buur ndax sama tur, ngir ngeen nekk seede ci ñoom.

Ndaxte ñiy mbubboo turu Kirist ak ñiy mbubboo turu yonent, dinañu feeñ, di joxe ay firnde yu réy ak ay kéemaan, ba ciy nax sax ñi Yàlla tànn, su loolu manoona am.

«Waaye booba, gannaaw metit yooyu: “Jant bi dina lëndëm te weer dootul leer; biddiiw yi di daanoo asamaan, te kàttani asamaan yiy yëngu.”