Popular Bible Verses from มาระโก 9

Share

23 พระเยซูได้เว้ากับพ่อฮั่นหว่า “ ‘ถ้าซ่อยได้’ งั้นติ ไผเซื่ยกะเฮ็ดให้ได้ทุกสิ่ง”

24 ในทันใดฮั่น พ่อของเด็กน้อยกะฮ้องหว่า “ข้าน้อยเซี่ย ที่ข้าน้อยยังขาดความเซี่ยฮั่น ขอซ่อยให้เซี่ยแด่เด้อ”

28 แล้วเมี่ยพระองค์ได้เข้าในเฮียนแล้วเหล่าสาวกมาถามพระองค์เป็นส่วนตัวหว่า “เป็นหยังหมู่ข้าพระองค์ขับผีฮั่นออกบ่ได้” 29 พระองค์ตอบเขาหว่า “ผีเซี๊ยะนี้อิขับให้ออกบ่ได้เลยเว้นแต่โดยการอธิฐานถ่อนั้น”

50 เกียเป็นของดี แต่ถ้าเกียเบิ่ดรสเค็มแล้ว อิเฮ็ดให้เค็มอีกได้ซั้งใด เจ้าทั้งหลายจงมีเกียในโต แล้วจงอยู่สงบสุข สามัคคีซึ่งกันและกัน

37 “ถ้าไผอิฮับเด็กน้อยๆ ซั้งนี้คนหนึ่งในนามของเฮา ผู้ฮั่นกะฮับเฮา แล้วไผได้ฮับเฮา ผู้ฮั่นกะฮับบ่แม่นแต่เฮาผู้เดว แต่ฮับพระองค์ผู้ทรงใซ้เฮามานำพร้อม”

41 เพราะเฮาบอกความจริงกับเจ้าหว่า ไผอิเอาน้ำโถยหนึ่งให้หมู่พวกเจ้ากิน เพราะหมู่เจ้าทั้งหลายเป็นฝ่ายพระคริสต์ผู้ฮั้นอิขาดบำเหน็จกะบ่ได้

42 “แต่ไผอิเฮ็ดให้ผู้เล็กน้อยเหล่านี้คนหนึ่งที่วางใจในเฮาให้หลงผิด ถ้าเอาขี้หินโม่ก้อนใหญ่มัดคอผู้ฮั้นถ่วงทิ่มในทะเลกะยังดีกว่า

47 ถ้าตาของเจ้าเฮ็ดให้เจ้าหลงผิดให้ควักออกทิ่มเสีย ซึ่งอิเข้าไปในแผ่นดินของพระเจ้ามีตาข้างเดวยังดีกว่ามีสองตา แล้วต้องถืกตัดทิ่มไปในนรก