มาระโก 9
9
11 พระองค์ยังเว้ากับเขาหว่า “เฮาบอกความจริงกับเจ้าทั้งหลายหว่า ในหมู่พวกเจ้าที่ยืนอยู่บ้งนี้ มีบางคนที่ยังอิบ่ฮู้รสความตาย จนกว่าอิได้เห็นแผ่นดินของพระเจ้ามาพร้อมกับฤทธิ์อำนาจก่อน” 22 ครั้นผ่านไปได้หกมื้อแล้ว พระเยซูได้พาเปโตร ยากอบ และยอห์นขึ้นไปภูเขาสูงแต่ลำพัง แล้วร่างกายของพระองค์กะเปลี่ยนไปต่อหน้าหมู่เขา 33 แล้วเสี่ยผ้าพระองค์กะเป็นสีขาวมันระยับอิหาส่างฟอกถั่วแผ่นดินโลกฟอกให้ขาวเซี้ยะนั้นกะบ่ได้ 44 แล้วเอลียาห์กับโมเสสกะปรากฏกับพวกเหล่าสาวกหมู่ฮั่น แล้วเฝ้าเว้าพูดคุยกันกับพระเยซู 55 ฝ่ายเปโตรเว้ากับพระเยซูหว่า “พระอาจารย์ บ้งที่เฮาอยู่นี่กะดี ให้หมู่ข้าพระองค์เฮ็ดเพิงสามหลัง สำหรับพระองค์หลังหนึ่ง สำหรับโมเสสหลังหนึ่ง สำหรับเอลียาห์หลังหนึ่ง” 66 ที่เปโตรเว้าเซี้ยะนั้นกะเพราะหว่าบ่ฮู้อิเว้าเซี๊ยะใด เพราะหมู่เขากำลังย้านกันที่สุด 77 แล้วมีเมฆมาปกคลุมเขาไว้แล้วมีเสียงพระเจ้าออกมาจากเมฆฮั่นหว่า “ท่านผู้นี้เป็นลูกที่ฮักของเฮา ให้เซี่ยฟังท่านเด้อ” 88 ทั้นใดฮั้น สาวกเบิ่งไปรอบๆ กะบ่เห็นไผ เห็นแต่พระเยซูอยู่กับหมู่เขา 99 พอลงจากภูเขาแล้ว พระองค์สั่งห้ามเหล่าสาวกบ่ให้เอาสิ่งที่ได้เห็นฮั่นไปบอกกับผู้ใด จนกว่าบุตรมนุษย์อิฟื้นขึ้นมาจากความตาย 1010 เหตุการณ์ฮั่นหมู่เหล่าสาวกกะได้เก็บไว้ แต่ซักถามกันหว่า ที่เว้าหว่าอิฟื้นขึ้นมาจากความตายหมายความหว่าหยัง 1111 เขาเลยถามพระองค์ “เหตุไฉนพวกธรรมาจารย์ จึงหว่าเอลียาห์อิต้องมาก่อน” 1212 พระองค์ตอบเขาหว่า “เอลียาห์ต้องมาก่อนแท้แน้วแล้วกะอิเฮ็ดให้สิ่งทั้งปวงคืนสู่สภาพเดิม มีคำเขียนได้เซี๊ยะใดถึงบุตรมนุษย์หว่า พระองค์อิต้องทนทุกข์ทรมานหลายอย่าง แล้วคนกะดิดูหมิ่นละทิ่มพระองค์ไป 1313 แต่เฮาบอกกับเจ้าทั้งหลายหว่า เอลียาห์ฮั่นได้มาแล้ว และซึ่งเขาอิเฮ็ดเซี๊ยะใดกับเจ้าซั้งใด เขากะได้เฮ็ดแล้วตามที่มีคำเขียนไว้ถึงท่าน” 1414 แล้วพระองค์ได้มาหาหมู่เหล่าสาวกกะเห็นประซาซนเป็นจำนวนหลายอยู่ล้อมรอบเขา แล้วพวกธรรมาจารย์กำลังซักไซ้ไล่เลี่ยงเขาอยู่ 1515 ทันใดฮั่น พอประซาซนเห็นพระองค์กะประหลาดใจที่สุด เลยหวิ่งเข้ามาเคารพพระองค์ 1616 พระองค์เลยถามหมู่เขาทั้งหลายหว่า “เจ้าซักไซ้ไล่เลียงกับเขาหยังกับเขา” 1717 มีคนหนึ่งในหมู่ประซาซนตอบพระองค์หว่า “อาจารย์ ข้อยได้พาลูกซายของข้อยมาหาท่านเพราะหว่าผีใบ้เข้าสิง 1818 เขาอิยู่บ้งใดๆ พอผีออกฤทธิ์มันกะเฮ็ดให้ล้มซักดิ้นไป มีอาการน้ำลายฟูมปากแล้วกะขบเขี้ยวขบฟันแล้วโตแข็ง ข้าน้อยได้ขอให้เหล่าสาวกของท่านให้ขับผีฮั่นออก แต่เขาขับให้ออกบ่ได้” 1919 พระองค์เลยเว้ากับคนฮั่นหว่า “โอ้ คนในยุคที่ขาดความเซี่ย เฮาต้องอยู่กับเจ้าเถิงถ่อใด เฮาอิต้องอดทนย้อนเจ้าไปฮอดใด ให้พาเด็กน้อยฮั่นมาหาเฮาเทอะ” 2020 เขากะพาเด็กน้อยฮั่นมาหาพระองค์ พอเป็นพระองค์แล้ว ทันใดฮั้นผีฮั่นกะเฮ็ดให้เขาซักล้มลงกลิ้งเกียกขี้ดินมีน้ำลายฟูมปาก 2121 พระองค์เลยถามพ่อฮั่นหว่า “เป็นเซี๊ยะนี้มาเถิงถ่อใด” พ่อตอบหว่า “ตั้งแต่น้อยๆ มา 2222 แล้วผีกะเฮ็ดให้เด็กน้อยตกในไฟ แล้วกะตกน้ำบ่อยๆ จงใจอิฆ่าให้ตาย แต่ถ้าท่านสามารถซ่อยได้ขอให้ท่านเมตาซ่อยแด่เด้อ” 2323 พระเยซูได้เว้ากับพ่อฮั่นหว่า “ ‘ถ้าซ่อยได้’ งั้นติ ไผเซื่ยกะเฮ็ดให้ได้ทุกสิ่ง” 2424 ในทันใดฮั่น พ่อของเด็กน้อยกะฮ้องหว่า “ข้าน้อยเซี่ย ที่ข้าน้อยยังขาดความเซี่ยฮั่น ขอซ่อยให้เซี่ยแด่เด้อ” 2525 เมี่ยพระเยซูเห็นหมู่ประซาซนกำลังวิ่งเข้ามา พระองค์ตวาดผีโสโครกฮั้นหว่า “บักผีใบหูหนวก เฮาสั่งเอ็งให้ออกจากเขา อย่าได้กลับเข้าสิงเขาอีกใหม่” 2626 ผีฮั่นเลยฮ้องอื้ออึงเฮ็ดให้เด็กน้อยฮั้นซักดินอย่างหลาย แล้วกะออกมา เด็กน้อยกะแน่นิ่งคือคนตาย จนคนส่วนมากบ้งฮั่นเว้าหว่า “เขาตายแล้ว” 2727 แต่พระเยซูได้จับมือพยุงเด็กน้อยฮั่นเด็กน้อยกะยืนขึ้น 2828 แล้วเมี่ยพระองค์ได้เข้าในเฮียนแล้วเหล่าสาวกมาถามพระองค์เป็นส่วนตัวหว่า “เป็นหยังหมู่ข้าพระองค์ขับผีฮั่นออกบ่ได้” 2929 พระองค์ตอบเขาหว่า “ผีเซี๊ยะนี้อิขับให้ออกบ่ได้เลยเว้นแต่โดยการอธิฐานถ่อนั้น” 3030 พระองค์กับหมู่เหล่าสาวกเลยออกไปจากบ้งฮั่น หย่างไปในเมียงกาลิลี แต่พระองค์บ่ต้องการให้ไผฮู้ 3131 ด้วยหว่าตอนนี้พระองค์เว้าสั่งสอนสาวกของพระองค์หว่า “บุตรมนุษย์อิต้องถืกทรยศจับไว้ในมือของคนแล้วเขากะอิฆ่าท่านเสีย พอฆ่าแล้วในมื้อที่สามท่านกะอิฟื้นเป็นขึ้นมาใหม่” 3232 แต่ถ้อยคำหมู่นี้เหล่าสาวกกะบ่ได้เข้าใจถ้าอิถามพระองค์กะเกรงใจ 3333 พระองค์ได้มายังเมียงคาเปอรนาอุม พอได้เข้าไปในเฮียนแล้ว พระองค์ถามหมู่เหล่าสาวกหว่า “ตอนมาตามทางฮั่นหมู่เจ้าทั้งหลายโตแย้งกันเรี่ยงหยัง” 3434 หมู่สาวกกะนิ่งเงียบอยู่ เพราะตอนที่มาตามทางฮั่นเขาได้เถียงกันหว่า ไผอิเป็นใหญ่กว่ากัน 3535 พระเยซูได้หนั่งลง แล้วได้เอิ้นสาวกสิบสองคนฮั่นมาเว้ากับเขาหว่า “ถ้าไผอยากเป็นคนต้น กะให้ผู้ฮั่นเป็นคนสุดท้าย แล้วให้เป็นผู้ฮับใซ้ของคนทั้งปวง” 3636 พระองค์ได้เอาเด็กน้อยๆ คนหนึ่งมายืนท่ามกลางหมู่เหล่าสาวก แล้วอุ้มเด็กฮั่นไว้ เว้ากับหมู่เหล่าสาวกหว่า 3737 “ถ้าไผอิฮับเด็กน้อยๆ ซั้งนี้คนหนึ่งในนามของเฮา ผู้ฮั่นกะฮับเฮา แล้วไผได้ฮับเฮา ผู้ฮั่นกะฮับบ่แม่นแต่เฮาผู้เดว แต่ฮับพระองค์ผู้ทรงใซ้เฮามานำพร้อม” 3838 ยอห์นได้ถามพระองค์หว่า “พระอาจารย์ พวกข้าน้อยได้เห็นคนหนึ่งขับผีออกโดยพระนามของพระองค์ แล้วพวกข้าน้อยได้ห้ามเขาเพราะหว่าเขาบ่ได้ตามหมู่เฮามา” 3939 พระเยซูเลยเว้าหว่า “อย่าห้ามเขาเลย เพราะหว่าบ่มีไผอิเฮ็ดการอัศจรรย์ในนามของเฮา แล้วอีกบึดหนึ่งกะเว้าในฮ้ายเฮา 4040 เพราะหว่าไผบ่เป็นฝ่ายต่อสู้เฮา ผู้ฮั่นเป็นฝ่ายเฮาแล้ว 4141 เพราะเฮาบอกความจริงกับเจ้าหว่า ไผอิเอาน้ำโถยหนึ่งให้หมู่พวกเจ้ากิน เพราะหมู่เจ้าทั้งหลายเป็นฝ่ายพระคริสต์ผู้ฮั้นอิขาดบำเหน็จกะบ่ได้ 4242 “แต่ไผอิเฮ็ดให้ผู้เล็กน้อยเหล่านี้คนหนึ่งที่วางใจในเฮาให้หลงผิด ถ้าเอาขี้หินโม่ก้อนใหญ่มัดคอผู้ฮั้นถ่วงทิ่มในทะเลกะยังดีกว่า 4343 ถ้ามือของเจ้าเฮ็ดให้เจ้าหลงผิด ให้ตัดมือทิ่มไป ที่อิเข้าใจในซีวิตมือด้วนกะยังดีกว่ามีสองมือแล้วต้องถืกทิ่มลงไปในนรกในไฟที่บ่ฮู้ดับ 4444 ในฮั่นโตหนอนกะบ่ตายแล้วไฟกะบ่ดับเลย 4545 ถ้าตีนของเจ้าเฮ็ดให้เจ้าหลงผิด กะให้ตัดทิ่มเสีย ที่อิเข้าใจในซีวิตมีตีนด้วนกะยังดีกว่ามีตีนสองตีน 4646 ในฮั่นโตหนอนกะบ่ตายแล้วไฟกะบ่ดับเลย 4747 ถ้าตาของเจ้าเฮ็ดให้เจ้าหลงผิดให้ควักออกทิ่มเสีย ซึ่งอิเข้าไปในแผ่นดินของพระเจ้ามีตาข้างเดวยังดีกว่ามีสองตา แล้วต้องถืกตัดทิ่มไปในนรก 4848 ในฮั่นโตหนอนกะบ่ตายแล้วไฟกะบ่ดับเลย 4949 ด้วยหว่าหมู่คนทังปวงกะอิต้องถืกเคล้าเกียแล้วล้างด้วยไฟ 5050 เกียเป็นของดี แต่ถ้าเกียเบิ่ดรสเค็มแล้ว อิเฮ็ดให้เค็มอีกได้ซั้งใด เจ้าทั้งหลายจงมีเกียในโต แล้วจงอยู่สงบสุข สามัคคีซึ่งกันและกัน
Currently Selected:
มาระโก 9: MARK
Highlight
Copy
Compare
Share
Want to have your highlights saved across all your devices? Sign up or sign in
This translation is © [2025] by [Obedience]. It may not be reproduced in whole or in part in any form or by any means without the prior written permission of [Obedience].
