Popular Bible Verses from Matie 13

Share

Mbuul wu oyɔɔ nsia yi ebvi me nsie yi ngesɛ, mbuul wɛn, ŋ'eyoo ndɛ Endɔɔ e Nziã, ndɛ obɔɔ lɔ otsɛn. Ndɛ oburu nsia: Lɛn oburu nsia ɔ̃nkam, lɛn ãku-ãsɛɛn, lɛn ã ku-ãtyel.»

Nsia yi ebvi onse ɛ̃ti mi ãnsiɛɛn, eli mbuul wɛn, ŋ'eyoo ndɛ Endɔɔ, lɔ k'eburu nsia yi eyel onse ndɛ wɛ, me ndɔɔ ãtsam me ndɔɔ eluɔ bvi ɔ̃kiri, ye pfuru li epfuru opfel baal efoo lɔ.

Ŋ'eyoo mbuul endɔɔ li Okwɛn, k'abɔɔ lɔ otsɛn wɛ, ŋɛn Ɔ̃taal oyi bvool ombaal nsia yi akwɛn onse ɔ̃kwal a ndɛ. Obɔ otsɛn o nsia yi ebvi me pyɛ e nkuul.

Nsia yi ebvi onse nsie yi y'ãnkɔɔn, eli mbuul wɛn ŋ'eyoo ndɛ Endɔɔ, okiool lɔ tswa-tswa y’esɛ. Kɛn a ndɛ k’ayɔɔl lɔ elɔ ɛ̃dza wɛ, ndɛ okiool lɔ kɛn a me lio etsi-tsiri. Me lio li eyii emwɛn ndɛ fool wuo li ayii atuaal ndɛ mpal me ndɔɔ Endɔɔ olɔ, tswa-a-tswa oŋɔ̃ ndɛ k'abekiool lɔ wɛ.

«Okwɛn o ywel oli onge opfel bo m'odziɔɔn onse nguun. Mbuul wu omwɛn bɔ, olwɔɔn bɔ hɛ̃. M'esɛ okyɛ, ndɛ oyetiɔ eluɔ bvieel bvi eli a ndɛ, bvool osuun nguun oyɔ.»

Kɛn a nsia yinkyɛ ebvi nkal a nsie yi ngesɛ. Yɔ emɛn, bvool eburu. Lɛn eburu nsia ɔ̃nkam, lɛn ãku-ãsɛɛn, lɛn ãku-ãtyel.»

Eyɔɔl bvɛ ekwel mboo mɔ̃ tiil lio li àka nsia. Me lio olɔ, mɛ̃ èliaal baal b'àka nsia wɛn: Eyeb kɛn bviĩ bvi ebi-ebi bvool ekuru bvɛ m'ãpfoo-m'ãpfoo kwɛn oŋɔ̃ atsoo bvɛ mbaa, bvool ebvool nsia yi ngesɛ onse nzɔ a mɛ̃ yi ebekwɛɛ mɛ̃ nsia”.»