Popular Bible Verses from GEN 9

Share

Deusu kilü geleha: "Konto hukugu tüipügüha igei uheke kahüa, uakisü atalü uhutohondetohoiha egei inhümingo akeniha, tatute gehale tingugingo ngongohongoko ake. Igeha aki atapügü inhümingo tatuteha tankginhükoingo inha gehale.

Tipaki geleha konto hukugu itsote kongoho huja, ingigote leha uheke aki atapügü tapüngui tüipügü uheke tatute ngongoho tingugingoko ake ingukgingikümingo leha uheke.

Ukuge tüilüha uheke uganingo, üle ateheha angini heke ukuge ungugu hapisote, üngelepe ungugu hapijüingo gehale leha ukuge heke.

Hekite leha Noe tüilü Deusu heke tülimo ake, nügüha iheke: "Tetijiha eitsüe, epünetüeha, ehigükuẽgükope agakutegomi atsange tatute ngongo ahi.

Tatuteha tingugingo tuhugu tühülinhüko inhümingo tuhugu leha einhangokoi. Ngata tundühügüpea gehaleha uheke einhani, ãde leha tatute ngiko tundagü uheke einhani ngeneko tuhugu, ngata tuhugu la.

Tatute leha ngeneko inhümingo einhakugulani. Tatuteha ngeneko gehujalüko, tatuteha toloko, tatuteha ngeneko tuhugu talahitsinhüko ngongoho, tatute gehale kangako epüngüngijüingo tuhugu leha einhani.

Tetijiha eitsüe, ehigükuẽgükope agakutegomi tatute ngongo ahi", ta leha iheke Noe heke.