Popular Bible Verses from GEN 37

Share

Aetsingo kokoha Juse onitu, ihanügü leha iheke tühisũüdão inha. Üle heke hekugu leha ingukugijüko aitsükü.

Aitsüküha uãke Isigaeu akiti Juse teloha tülimo uate, haindenei leha atai ankgipügü atehe; üle ateheha Jako heke kingü hekiniha kapohongo tihipükoinhü hatinhi humilü inha.

Ihinhahono heke leha tüakiti isũüko heke uateni Juse ingilü ingilükilü, üle heke leha ingukugijükokilü isikügikügükilü leha ihekeni.

Aitsükü gehale Juse onitu. Tühisũüdão inha gehaleha ihanügü iheke: "Kutagüe hõhõ uonitu gehale akatsange egei aitsükü. Gitiha ngune ake 11 gehaleha kandinhoko aküngindu tühinitüko akanenügü leha ihekeni uatsagati itsangiha uingilü hakitomi ihekeni", ta leha iheke tühisũüdão heke.

Egea leha ihisũüdão ingukugijü iheke, isũü ingukgingukitsagü leha hüle imugu onitühügü heke.

"Itsatüeha uonitühügü", Juse kilüha ihekeni. "Trigo hutsiketühügü kamitsagüha kupeheni ngatagühete. Unkgamipügüpe etikaĩjü leha, tikanhi leha inhügü, ankgamipügüko etuhutelü leha unkgamipügü igüĩjüi. Ankgamipügüko heke leha tühinitüko akanenügü unkgamipügü atsagati ngongohonga, itsangiha ingilü hakitomi ihekeni", ta leha iheke tühisũüdão heke.

Apünguha igei! Kunhotüngi ataiha üngele, ülepe agitomi kupeheni tuã ngagü kipügü atati, 'ngene kengeni heke leha tenge', kukilükoingo tsaha egei ukugeko heke. Kunhitaminiha ngikona ngapoha isonitügüpe inhümingo leha", ta leha ihekeni tepeheni.

Kigatenikoha Isimaeu otomo Mijihã tongoko etimbelütse ingugi leha, tühisũügükoha Juse tijü leha ihekeni tuã ngagü kipügü atalüpenginhe, igatelü leha ihekeni 20ha isaküngindu prata tüipügü kae. Ülepei leha kigateniko heke Juse igelü Ejituna.

Tagü leha ihekeni tepeheni: "Anti akatsange tüonitinhü!

Hakingopenginhe leha Juse enhügü ingilü ihinhahono heke, jaheji leha ingunkginguko tuelüingo kae tetimbela geleha atai.

Ülepeiha nügü gehale iheke: "Inhalü hüle egea einhünkgoi. Agitüeha hüle üngele tüatainhü tuã ngagü tükinhüpe atati ngongo kugepingo hüngüte, inhalü hüle apilüi ehekeni". Hubẽi kilüha egea ingukginguha umbege inhankgitomi iheke ülepe igetomiha umbege iheke tũü inha.