Popular Bible Verses from Mat 7

Share

“Eirhapkin, kəni tɨpofɨna kəm kamiar. Aitkoin, kəni tɨnɨpaip. Airuɨru tapən, kəni tɨrɨpheta to kamiar.

“Mɨro-in-ka iərəm tɨrɨrhapkin nar tɨrɨpos, ne iərəm tɨratkoin nar tɨrɨpap, ne iərəm tɨrɨruɨru tapən, tɨrɨpheta ton.

“To nar ka, iərəm tɨrɨro nakharan min ɨk tahak mamol, in tɨravkɨrin ialpəkau ker iərəm ramɨtɨk-hiəvin nima tahan lə tui kapiəl.

“To nar ka, nar min pətɨm nakamarolkeike məma nərəmim takarol kəm kamiar, pəs kamiar tɨnakarol mealan kəm ilar. In ɨk noukɨrɨ Noua Asul ne nakharan min taha iəni min taha Ughin.

“Mɨro suatu iərəm ramir til to nəmiuhan, nɨkɨlu tahan in nɨkɨlu ɨsuas, ne suatu an in suatu ɨsuas, kəni nərəmim min rɨsuas am kamaip.

“Arɨn ima lə nɨkɨlu ɨsuas. Mɨro-in-ka suatu iərəm ramir til to nɨmɨsan, nɨkɨlu tahan in nɨkɨlu asul, ne suatu an in suatu asul, ne nərəmim min ripɨr kamarɨn lan.

“Kəni ka, takəma kamiar nərəmim tat min nakarhinatin məma tɨnakarofən nar ɨvt min kəm nərərɨmiar, Rɨmɨmiar lə neai tɨrapitha mapitha kamiar lə nar ɨvt min tɨrofən kəm nərəm kameirhapkin nar ton.

“Ɨsarhuapreian til, məma Ughin tɨrɨshuapreian kamiar. “Mɨro-in-ka lə nɨkin karena iərəm kamiar nakamarhuaprai nərəmim lan, Ughin tɨrɨphuaprai mɨn kamiar lə nɨkin karena am an. Ne lə nakilan kamiar nakamaikil nərəmim lan, Ughin tɨrɨpakil mɨn kamiar lə nakilan karena am an.

“Mɨro iərəm tɨrɨro nakharan min ɨk tahak mɨsolan, in tɨravkɨrin kenoeno ker iərəm ramɨtɨk-hiəvin nima tahan lə nɨməkləkɨl.

“?Kəni rɨtol nakamap nɨvsɨkɨvsɨk lə nɨmrɨ piam, mɨro nɨkim rɨshoan nɨk asul rakamɨl lə nɨmrɨm? “?O rɨtol tɨnakɨni to piam məma, ‘Pəs iakositha nɨvsɨkɨvsɨk rakamɨl lə nɨmrɨm,’ mɨro ap ru, nɨk asul rakamɨl əna lə nɨmrɨm atu?

“Amaip əna iəni eiua min. Ilar kamarhuatɨkun ilar məma sipsip min marva to kamiar, mɨro lə nɨkinilar ima ilar kaivkɨrin kuri iatipɨn min kamaimek. “Tɨnakarhinatin ilar lə nouanilar. To kɨsosan noua nuɨlh lə nulkəsɨk, ne to kɨsosan noua nimh lə nar iərəm rol nilhɨn.

“Rol məklan nɨk ɨvt min kamarouein nouan ɨvt min, mɨro nɨk tat min kamarouein nouan tat min.

“Nɨk ɨvt to rɨsoueanin nouan tat, ne nɨk tat to rɨsoueanin nouan ɨvt.

“Nɨk iərəm rɨsoueanin nouan ɨvt takɨrai kəpkipən lə nɨkəm.