Popular Bible Verses from Dadunu 1

Share

Ma JOU, Ma Jou'ongu Madutu ga'a ngini silamo'o re siḏubuso, Unanga gena-ge ḏuanga i'a 'O tagi sisiḏa taninga biono. Unanga ḏuanga i'a 'O parangi ananga ga'a 'aḏi lawana ngini ma tero ga'a Unanga 'o si'a'a ḏua toma Mesir, ra ngini ninga momina, re toma 'orasa ngini no tagi toma daeraha baulaco ma dara taninga ngo'omo ma giḏanga singadolo ngini sapolo 'ane-ne, ngini ni oḏi'i ḏua rema duhu sa'olo Ma JOU, Ma Jou'ongu Madutu ga'a ngini silamo'o re siḏubuso, Unanga gena-ge 'O kadiarata ngini ma tero sa'olo ḇaḇa 'o toti'i 'ai ngowa'a nau'u.>>

Ma JOU, Ma Jou'ongu Madutu ga'a ninga ngimo-ngimono 'aḏi silamo'o re siḏubuso, sieanga i'a Unanga gena-ge 'o sidogo ngini sidu'o soi cala moi moju nange-ne re 'O sibarakati ma tero ga'a Ro sijaji ḏua ra ngini.

<<Wakutu ngene wo tegoro tananga suyu'u toma Kie Sinai ma cimi, Ma JOU, Ma Jou'ongu Madutu ga'a ngene wo silamo'o re siḏubuso, Unanga 'o kanau so'o ne: < Ti'ara ḏua, ngini ni tegoro toma kie ma cimi nena-ne.

Ngoi Ma JOU reto pula'a daeraha gena-ge ra ngini ga'a Ngoi, reto 'a'a jaji rema sasi daeraha gena-ge mo-moini di'a ninga ngimo-ngimono Abraham, Ishak re Yakub re ananga manga ju'uda tala. Sababu gena-ge, ngini ni tagi re ḏegoro toma nagara gena-ge sa'olo ta-ngini.> >>

Wakutu ni sijuruhakimi awa ni pa'ala kaci moi. Ngini balasu ni dawongo manga hali mo-moini ma tero: bae ngowa'a remanga ḏe-ḏegoro, bae ngowa'a manga ḏe-ḏegoro cua. Awa ngini ni mojongo guna ḇato sababu ma putusanga ḏuanga i'a ra Ma Jou'ongu Madutu ino. Mada'a hali ga'a ngini ni basono kangela woḏi, ngini balasu ni sitalaḏi ananga gena-ge ra ngoi, la ngoi nyengara ta putusu hali gena-ge.>