Popular Bible Verses from Saunt Matthew 14

Share

But whan he saw the win’ gousty, he was afear’t, an’, beginnin’ to sink, he criet, sayin’, Lord, saufe me. An’ at ance Jesus raught furth his han’, an’ teuk haud o’ him, an’ said until him, O thou o’ little faith, wharefore didst thou doubt?

But whan he saw the win’ gousty, he was afear’t, an’, beginnin’ to sink, he criet, sayin’, Lord, saufe me.

But straughtway Jesus spak’ until them, sayin’, Be o’ guid cheer; it is me; binna fleyed.

An’ Peter answer’t him, an’ said, Lord, gin it be thou, bid me come until thee on the water. An’ he said, Come. An’ whan Peter was come doun out o’ the ship he gaed on the water to gang til Jesus.

Syne they wha were in the ship cam’ an’ worshippet him, sayin’, Verament thou art the Son o’ God.

But Jesus said until them, They needna gang awa: gie ye them to eat. An’ they say until him, We hae here but five laives an’ twa fishes.

He said, Bring them here til me. An’ he commaundet the thrang to sit doun on the gerse, an’ teuk the five laives an’ the twa fishes, an’ leukin’ up til heaven, he blesset, an’ brak, an’ gied the laives til his disciples, an’ the disciples til the thrang.

An’ they did a’ eat, an’ were satisfiet: an’ they teuk up o’ the orra bits whilk were left twal creels‐fu’.