Popular Bible Verses from Saunt Matthew 13

Share

But he wha receivet seed intil the guid grun’ is he wha heareth the word, an’ understan’eth it; wha alsua beareth fruit, an’ bringeth furth, some ae hunderd‐fauld, some saxty, some thretty.

He alsua wha receivet seed amang the thorns is he wha heareth the word; an’ the care o’ this warld, an’ the deceitfu’ness o’ walth, choke the word, an’ he becometh unfruitfu’.

Whan ony ane heareth the word o’ the kingdom, an’ doesna understan’ it, syne cometh the wicket ane, an’ taketh awa that whilk was sawn in his hairt. This is he wha receivet seed by the road‐side.

But he wha receivet the seed intil stany places, the same is he wha heareth the word, an’ at ance wi’ joy receiveth it: Yet hathna he root in himsel, but bideth for a while; for whan tribulation or persecution riseth up because o’ the word, belyve he is offendet.

Again, the kingdom o’ heaven is like until treasure hidet in a field; the whilk whan a man hath fund, he hideth, an’ for joy thereo’ gaeth an’ selleth a’ that he hath, an’ coffeth that field.

But ithers fa’d intil guid grun’, an’ broucht furth fruit, some an hunderd‐fauld, some saxty‐fauld, some thretty‐fauld.

Let baith grow thegither till the hairst; an’ in the time o’ the hairst I will say til the shearers, Gather ye thegither first the tares, an’ bin’ them in bunches to burn them: but gather the wheat intil my barn.