Popular Bible Verses from San Mateo 7

Share

»Tapuichi, Yaya Diosca cungami, mascaichi taringuichimi, cayaichi, punguca pascaringami.

Astahua tucui maiganchari tapun, cuitucungami, mascacca, taringami, cayactaca, pascanchimi.

»Maiganchari cai rimajushcainita uyashpan casun, paiga shuc runa ali yuyaihua huasinda rumipi shayachishcashinami can.

Chasna astahua, tucui munashcaiguichita runacuna ruranangunapa cangunaraigu, chasnallatata ruraichi cangunapas paigunaraigu, astahua chaidami riman leyca chaimanda profetacunapas.

Quichqui pungumi, ñañu ñambi huiñaipa causanama apan, chaidaca manami achcachu yaicunaju.

»Yaicuichi quichqui punguta, anchu pungu chusha ñambimi apan huiñaipa huañuima, achcacuna yaicunaju chaiparti.

Chasna cangunaca mana alicuna cashpaiquichipas, yachanguichi cunata huahuaiguichita tapushcanda, ¡astahua Papaiguichi cielopi causacca cungami alicunata maicanguna tapuccunataca!

»Mana juzgaichichu shuccunata, Yaya Dios cangunatapas mana juzgachinamba. Astahua imasnami uchachinguichi shuccunata, chasnallatatami uchachitucunguichi; chaimanda imahuami tupunguichi, chaihuallatatami tupui tucunguichi.

Shuc parti rimani, maiganmi uyan cai rimashcainita mana casushpanga, paiga shuc runa mana yuyayu huasinda playapi ruracshinami.

¿Imaraigutaya ricungui huauquiquipa ñahuimbi quihua pangata, astahua mana ricunguichu camba ñahuiquipi shuc atun caspi chimbacta tiyajushcanda? ¿Imasnata rimangui huauquiquita: “Surcushara quihua pangata ñahuiquimanda”, cambi tiyajushpanga shuc caspi chimbacta ñahuiquipi?

»Cuirarichi llullachic profetacunamanda, maicangunami shamunaju ricurishpa oveja mansushina, shungungunaca lobopashinami can. Canguna ricsinaiguichi tiyan millaipa ruranangunamanda, manami atipanchichu pallanata uvata cashamanda, nima higuta cardu cashamanda.

Chasnami, tucui ali tarpuca alita muyuyan, millaipa tarpuca millaipatami muyuyan.

Ali tarpuca manami atipanchu millaipata muyuyanata, mina millaipa tarpu muyuyanchu ali muyuta.

Tucui tarpu mana muyuyactaca, pitishpa ninapi rupachinchi.