Popular Bible Verses from San Mateo 6

Share

Astahua pundiru ruraichi Yaya Diospa camachishcanda chaimanda munashcanda, chasnami tucui munashcaiguichita cunga.

Chairaigu, mana yuyarichichu cayaraigu, astahua Cayaca paiguiquimba yuyarinami tiyan ¡Cayandimapas achca imacuna paiguiquimba mana alicuna tiyan!

»Chairaigu cangunata rimani: Mana yuyarishpa causaichichu, imatami micusha upiasha ima llachapatami churarisha. Micunamanda churarinaiguimanda, causaigui aichaiguipas astahua valicmi can.

Can randi, cuartuiguipi yaicushpaigui pungüiguita tapashpaigui sapallaigui mañai Papaiguita. Chasna pacalla mañajushcaiguita Yaya Diosmi ricun. Paimi canda cunga cushichishpa achca runapi.

Chairaigu cangunaca casna mañaichi: “Cielopi cajuc Papanchi, camba shutiqui respetashca cachu. Cai allpama shamui camachinaiguipa. Camba munashcaiguita ruranajuchu, imasnami cielopi munashcaiguita runaju chasnallatata.

Caran puncha micunata cunan ñucanchita cui.

Perdonai ñucanchita mana alicunata rurashcanchimanda, imasnami ñucanchipas perdonanchi mana alita ruraccunata.

Prueba shamushpambas, mana saquichu anchurinanchipa canmanda, cuirai ñucanchita mana alicunamanda”. Cambami camachinaca, poderca, gloriaca, huiñaipa. Chasna cachu.

»Canguna perdonashpaiguichica shuccunata mana alita rurashcangunamanda, chasnallatata Papaiguichi cielopi causacca cangunata perdonanga.

Ricuichi pishcucunata, mana tarpunajuchu nima pallanajuchu nima huacaichanajuchu, Yaya Diosmi caran paigunata. ¿Manachu astahua cangunaca valinguichi pishcucunamandapas?

»Cangunaca mana tandachichichu ima valic samicunata cai allpapi. Cai allpapica tsutsumi micushpan tucuchin chaimanda valiccunapas tsupacayanajumi, shuhuacunapas yaicushpanguna apanaju. Astahua, tandachichi valiccunata cielopi, chaibica mana yaicunchu tsutsuca nima ima tsupacayanchu shuhuapas mana atipanchu yaicunata. Maibimi camba valic samica caju, chaillatami shungüiguipas yuyarin.

»Nima maigan atipanchu ishcai patronda servinata, shucta chicninga shucta yuyanga, shucta valichinga shuctaca mana valichingachu. Cangunapas mana atipanguichu servinata Yaya Diosta valic samicunatapas.

Chasnami Yaya Diosca sisacunata sumacta ricuchin, shuc puncha chagrapi caju cayandima huichun ninama. ¡Mana sumacta quiric runacuna! astahua cangunataca tucuidami cunga.

Astahua can pobreta yanapashpaiguica mana cuindaichu nima quiquimba amigüiguita. Chasna pacalla yanapashcaiguitaca Papaiguimi ricun. Paimi canda cunga cushichishpa achca runapi.

»Mana ruraichu alicunata runacuna ricunanllapa. Chasna rurashpaiguichica Papaiguichi cielopi cajucca manami nima imata cungachu.

»Imasnapimi canguna ayunajunguichi, mana llaquirishcata uyaiguichita ricuchinguichichu hipocritacunashina, paigunaca ricuchinaju uyangunata llaquirishcata runacunaca rimanangunapa ayunajumi; quiquimbata rimani ñami ganashcacuna paigunapa regalongunata. Can randi ayunajushpaiguica, perfumeta armai umaiguipi maillari uyaiguitapas, mana ricuchinaiguipa shuccunata ayunajushcaiguita. Chasna ayunajushcaiguita ricushpanmi Papaiguica, canda achca runapi cushichishpa cunga.