Popular Bible Verses from Matej 15

Share

Ama, adava so iklola taro muj e manušeskoro avela taro srce, hem adava kerela le melalo. Soske taro srce, iklona o lošna misle, o mudariba, i preljuba, o bludstvo, o čoriba, o hovavne svedoštvija, o huliba.

Adava so khuvela andre ko muj e manušeske na kerela le melalo. Ama okova so iklola andral taro muj e manušeskoro, adava kerela le melalo.”

‘Akala manuša samo pe mujeja poštojnena man, ama pe srceja dur tane mandar. Džabe poštojnena man; sikavindor manušikane adetija.’ ”

Togaš o Isus phengja lake: “Manušnije, tute isi bari vera! Neka ovel sar so mangeja.” I lakiri čhaj ko adava momenti saslili.

I romni ali hem peli ko kočaka angli leste, hem phengja leske: “Gospode, pomožin man.” Ov odgovoringja: “Nane šukar te le pe taro čhave o maro hem te frdel pe e džukelenge.” A oj phengja leske: “Oja, Gospode, adaleske so o džukela da hana o troške telo astali so perena taro lengere gospodajra.”