Popular Bible Verses from Matej 14

Share

Ama koga dikhla i silno bavlal, darandilo hem počmingja te batinel ko pani i vikingja: “Gospode, spasin man!” O Isus odma pružingja po vas hem astargja le, i phengja leske: “Tikne verakereja, soske sumningjan tut?”

Ama koga dikhla i silno bavlal, darandilo hem počmingja te batinel ko pani i vikingja: “Gospode, spasin man!”

Ama o Isus odma phengja lenge: “Oven silna! Ma daran! Me sijum.”

A o Petar vakergja leske: “Gospode ako sijan tu, zapovedin mange te avav ki tute upro pani.” I o Isus phengja leske: “Ava.” Togaš o Petar iklilo taro čamco hem phirindor upro pani gelo ko Isus.

Togaš okola so sine ko čamco pele ko kočaka anglo Isus hem phenge leske: “Tu čače sijan o Čhavo e Devleskoro.”

A o Isus vakergja lenge: “Na trebela te džan. Den len tumen nešto hajbaske.” Ola odgovoringe leske: “Akate isi amen samo pandž mare hem duj mačhe.”

A ov phengja: “Anen len mange akate.” I naredingja e manušenge te bešen ki čar. Togaš lela o pandž mare hem o duj mačhe dikhla upre ko nebo, blagodaringja hem phagla o mare. Palo adava dengja pe učenikonge, a o učenikija denge len e manušenge.

Sarinen hale hem čalile, a taro adava so ačhilo o učenikija khedinge dešuduj korpe hajbe.