Popular Bible Verses from LUKE 6

Share

peu lo, ciciu de ncu de peu zie; mdet kemmyi, nimkentip, hecung kehekwa, nah puih kenliem de si eh nnui pai gage dom beuzie. Kedanemene nang mdet kebeu de cipau mdet de ngau dai zie kecune.”

Mina keyime pelung mabam keyi gade makeyi keu mpet la; nah mina kesiame de pelung gade makesia keu mpet la: kedanemene pelung ga kebambe pemui rangpet kelane. Kedanemene pe mlung ga puih kebambe pemui gade rangpet lalu.

Dede nnui ngauraume de hung lu, nah makeyi de tei lu nah ngau dai lu kera cet mene repok de beulu; ciciu lu cai nnui ziehi dih süt zie; nah nnui Hutube name tei luzie; kedanemene pa au mide twaneu la kemakme nah kesia keteime dade de pezai yi lalu.

Nnui Pei mide ngaunggia kecu nzwa eh nnui de mide ngaunggia lulo.

“Mimau pei so, ciciu de mmau de peeilak, mide mmau so, ciciu de ncu de mmau lak; mimau gi beu ciciu de n mau de gi beuzie

“Dede I nnui kingnei kelame dage rang zeu, nnui ngauraume de hung lu, nnui ze nneu kelame dage makeyi tei gailu, nnui ze reset kelame de samlam beulu, nah nnui ze rang kemsiame ziemne kie lu

Nang peu mide nda ge tei gai keneube penui dage cinzwa tei gailu.

N bia ket lam kepoi kecu bede kedale de nreu beu lo; nah mige n pai keu cai n mcua de peu laklie helo. Mina keheibe de nda de kie kelame de peu lo, nah mi n gunia keukelame dade keteu dai so.

“Tsingbang keyibe petsi kesia buih lama, mede tsingbang kesiabe petsi keyi buih lama

kedanemene tsingbang gede au petsi gade ci lula kelane. Migede hetuubang gade nzüttsi rai lu lama, mede müntiakbang gade kubetsi rai lu lama.