Popular Bible Verses from JOHAN 14

Share

“I nnui de lungciep kaidiak beula; I a gu lungciep kaidiak beula; I a gu lungciep nnui de peu la. Kideube kepeu nzwa eh I cide nnui de peu lama. Helung keherei nah lungnaang diso; ngngi diso.

Jisu pe sam keli gai, “I lampui be, kesangbe, nah keringbe da; migede ada de maige Peibe da gwang lu lama.”

Jisu penui dage rang beu, “Nnui lung keherei diso nah keheitei diso. Tinggwang ze nlum lu nah acu de nlum bam lu.

Kenghabe, Kemci Rabe, pecu a zi gade Peibe ne lang gaibeu kerabe de, nnui de maleune ledeu beuzie nah I nnui dage rang kebeu leune peu nsung luzie.

“A sam dung luu kelu keheibe de nah cidung de mzai kelame acu ku kelabe da. Acu hung kelame de Peibe ne hung zie; I de pecu hung zie nah akatei acu peda ge liah gaizie.”

I Peibe dade kie zie, nah pa nnui de kengha keda ge peu zie, pa kelungta nnui da lazie. Pa au Rabe Tinggwang ha kesangbe liah gai kelabe lie. Kideube pecu luu lu gailak, kedanemene cide pecu ngau gailak mede ci gailak. Dede nnui pecu ci bam, kedanemene pa nnui de ngngwa lala nah nnui lung ga bam.

Nah nnui a zi gade kie kegai leune I tei beuzie, ciciu eh Peibe kendube Nabe dade liah gai kerane. Nnui a zi gade makeheibe kie liede, I cide tei beuzie.

“Nnui acu ku lalie cai, nnui a sam dung mzai zie.

A pei ki ga kibung bam süt, nah I nnui ziemne heni ge telei lai eh bam. Ciciu melie cai I nnui dage aide rang lak nage.

Nah kedanemene pa nnui de ngngwa la nah nnui lung ga bam. I mie nnui ziemne heni ge telei lude, I caili gwang eh nnui de ada ngngwa gwang luzie, ciciu eh nnui I kebam ga bam luzie.

Thomas peda ge rang gai, “Rampaubo, nang daiga mie lau bi anui au ci bam ma; cine dainzwa anui cika kemie lampui ci lu laino?”