Popular Bible Verses from JOHN 16

Share

Moi eitu kotha tumikhan ke koi di ase, tetiya Moi logot te tumikhan anando pabo. Prithibi te hole tumikhan tarona ase. Kintu khushi hobi, Moi prithibi jiti loise.”

Ketiya hoityo laga Atma ahhibo, Tar pora eitu hoityo kotha sob tu dekhai dibo, kilemane Tar he nijor laga odhikar pora nahoi, kintu Tar pora ki huni ase eitu he kobo, aru ki hobole ase eitu laga kotha khan sob Tar pora janai dibo.

Etiya tak tumikhan pora Moi laga nam te eku manga nai. Mangibi, aru tumikhan pora pabo, tetiya tumikhan laga anando pura-puri hobo.

Eneka hole bhi, Moi hosa kotha tumikhan ke koi ase: Moi jua tu tumikhan karne lab ase, kilemane jodi Moi najai, tetiya madad kora ekjon, Tar nahhibo. Kintu jodi Moi jai, Moi Tar ke pathai dibo. Aru ketiya Tar ahhibo tetiya tar pora prithibi paap laga galti, aru dharmik kam laga, aru Isor pora bichar kora eitu khan sob manuh khan ke janai dibo

Eitu nisna tumikhan etiya kosto ase, kintu Moi aru tumikhan ke dekhibo aru tumikhan laga mon khushi hobo, aru tumikhan laga khushi tu kon pora bhi loi jabo naparibo. Eitu din te tumikhan pora Moi ke eku namangibo. Hosa kotha Moi tumikhan ke koi ase, Moi laga nam te tumikhan pora Pitri logot ki mangibo, Tar pora tumikhan ke eitu dibo.

Hosa kotha, Moi tumikhan ke kobo, tumikhan kandi kene mon dukh thakibo, kintu prithibi anando koribo. Tumikhan mon bhorta kosto thakibo, kintu tumikhan laga kosto tu anando pora bodli hobo.