Popular Bible Verses from JOHN 15

Share

Moi angur gos; tumikhan daal ase. Kon kon Moi logot te ase aru Moi taikhan logot te ase, he jon he phol besi dhore, kilemane Moi pora alag hoi kene tumikhan pora eku koribo naparibo.

Moi logot te thakibi, aru Moi tumikhan logot te thakibo. Gos te lagi kene nathakile daal nijor pora phol dhoribo napare, eitu nisna Moi logot nathakile tumikhan pora bhi phol dhoribo naparibo.

Jodi tumikhan Moi logot te thake, aru Moi laga kotha tumikhan logot te thake, tumikhan ki lage eitu hudibi, aru tumikhan karne eitu kori dibo.

Tumikhan pora Moi ke basi lua nai, kintu Moi he tumikhan ke basi loise, aru tumikhan jai kene phol dhoribo karne niyuk korise, aru eitu phol hodai karne thakibo, tetiya Moi laga nam te tumikhan pora ki Pitri logot te hudibo, eitu Tar pora di dibo.

Konuba manuh pora bondhu khan karne nijor jivon diya nisna, eitu pora dangor prem eku nai.

Moi logot lagi thaka daal kiman pora phol nadhore, eitu Tar he kati diye, aru kiman daal pora phol dhore eitu Tar pora safa kore, tetiya eitu daal pora arubhi besi phol dhoribo.

“Moi laga hukum tu eitu ase, tumikhan ekjon he ekjon logot te, Moi keneka prem korise eneka prem koribi.

Tumikhan phol besi dhori kene hosa bhi Moi laga chella ase eneka sakhi diya pora Moi laga Pitri ke mahima di ase.

“Moi asol angur gos ase, aru angur gos lagai diya tu Moi laga Pitri ase.

Jodi konuba pora Moi logot te nathake, daal phelai kene sukhi jua nisna hobo; aru eitu daal tu jama kori kene jui te phelai kene jolai diye.

Eitu kotha Moi tumikhan ke koi di ase, tetiya Moi laga anando tumikhan logot te thakibo aru tumikhan anando pura hobo.

Keneka Moi Pitri laga hukum mani kene Tar laga prem te thaki ase, eitu nisna jodi tumikhan pora Moi laga hukum mani loi, Tumikhan bhi Moi laga prem te thaki jabo.

Tumikhan ekjon he ekjon ke prem koribo nimite, Moi eitu hukum di ase.

Jodi tumikhan prithibi laga ase, prithibi pora tai laga hisap te prem koribole thakise; kintu tumikhan prithibi laga nahoi, kintu prithibi pora Moi mati loise, eitu karne he prithibi pora ghin kori ase.