Popular Bible Verses from Rom 1

Share

కసనకతో, ఆచ్ ఖబరేర్ కార్ణే మ లాజ్ కరేవాళో కోని, కూఁకతో, విశ్వాస్ కరజేన సేన, అగ్డి యాదులేన, పచ్చ గ్రీస్ దేశే వాళేన సదా రక్షణ్ దేన ఊ దేవేర్ జోర్ వేన్ ఛ.

కసేన కతో-నీయత్ దార్ విశ్వాసెర్వడీతి బంచచ కన్ లకన్ ఛజూఁ విశ్వాసేర్ వడీతి ఉజ్జి జాదా విశ్వాస్ ఆవజూఁ దేవేర్ నీయత్ బార్ పడ్రోచ.

దేవేర్ దకాయెనీ జకో గొణ్ కతో, ఓర్ హర్ ఘడీ రేర్ బళన్. దేవ్ పేదా కీదోజే హర్యేక్ చీజేవూన దేకన్ సొంచ్ కరతో ఊ మాలమ్ వేజాచ. జేతి ఓ కుణ్సీ జవాబ్ కెసకెనీ.

ఉజ్జి ఓ, దేవేన మాలమ్ కర్లేన్ సదా ఓన దేవేన దేర్ మహిమా దీనె కోని, ధన్యవాదన్ స్తుతీ కర్ సకేకొని; పణ్ ఓ ఉందెర్ వాగ్-వివాదేమా కామ్ దేనిజూఁ వేగే.

అస్ మన్క్యా దేవేర్ సత్తెన లబారీ కరన్ బద్లాన్ సృష్టీన పెదా కీదో జేన ఛోడ్దేన్ సృష్టీన పూజా కరన్ ధోకే. దేవజ్ స్తుతి పాయేన జగు జగు లగు ఛాజచ ఆమెన్.

నరూర్ ఖరాప్ చాల్ దేవేర్ సత్ న దకావజుఁఆడే ఆవజకో జేతి నరూర్ సొగ్ళీ పాపన్ ఖరాప్ గోణేపర దేవేర్ రీస్ స్వర్గ లోకేతీ ఆరీచ.

జేతి దేవ్ ఖరాప్ ఆశా కరెన ఉందేనహవాల కర్దీనో. ఉందేర్ బీరే సదా ఉందేర్ చాల్ ఛోడ్దేన్ దూసర్ తరీకార్ చాల్ చాలీ. హనూజ్ మరధ్ సదా బీరేవూన ఛోడ్దేన్, మర్దేతి మరద్ బేసర్మేర్ కామ్ కర్తే, ఉందెర్ పాపేర్ ఫళ్ పావ్తే ఏకేర్ వడీతి ఏక్ ఖరాప్ కూంతేతి తప్గే. ఉజ్జీ ఓ ఉందేర్ మనేమా దేవేన జాగ్ దినేకొని జేర్ కార్ణే, కరేజాయేని జస్ ఖరాప్ కావతే కరెన దేవ్ ఖరాప్ మనేర్ వడి ఉందేన హవాల కర్దినో.

ఉందేర్ అజ్ఞానేర్ దల్ అందారేతి భరాగో హమ్ జ్ఞానీలోగ్ కన్ కేలేతే ఓ అక్కల్ ఛేనిజూఁ వేగే ఓ హర్ షుడి రజే దేవేర్ మహిమాన నాష్ వెజా జకో ఆద్మీరన్, పంకేరూర్, చార్ టాంగేర్ జీవ్రాసేరన్, సాపేర్ మూర్తేఁవూర్ రూపెర్నాఁయిఁ బద్లానాకే.